حمادة النمس

كنا نشاهد العاشرة مساءا ليوم الاثنين 1 يونيو وكان الضيف صديقا يبدو صدوقا لهشام طلعت مصطفى وكان الرجل مسهبا فى وصف اخلاق البطل ومسترسلا فى شرح سجيته النقية ونواياه الحسنة وطيب اعماله التى تجعل من مقلب زبالة مستودع برفانات نفاذة وعرض فيما عرض ان ما ظلم الرجل واورده موارد التهلكة فى هذه القضية هى شهرته التى بلغت الافاق وطيبته التى اثارت حقد الغرباء فما كان من صديق يجالسنى الا ان سحب نفسا من الهواء مستتخدما لهاته وانفه فى اصدار صوت هز كراسى المقهى وارتجف له حاوية الماء الساخن التى يعد منها الشاى وقال
رحم الله حمادة النمس قتل نفخا فى عجلة سرقها واعترف تحت سطوة التعذيب الذى استمر ثلاثة اشهر بجرمه الذى صار مشهودا وفعلته التى انكرها القاصى والدانى
لم ينكر صديقى ان حمادة كان سارقا ولا احد من اهل منطقته فلهذا اصلا سمى النمس ولكن حمادة النمس الذى نفخ فعلا لا على سبيل التقول البلاغى ودون صدور حكم او احالة للقضاء خرج بعد التسعين يوما من قسم الشرطة محمول مرابعة اى من اطرافه الاربعة واستمر علاجه عامين كاملين بعدها لا يعرف احد علته وتقسم امه واخيه ان موته كان كمدا لانه اعترف بعد ان اصبح الاعتراف بلا جدوى فقد استعمل مخرجه كمدخل وهذا امر ان عقلته جد مهين
ينهى صديقى كلامه قائلا ان شهرة حمادة النمس كانت وبالا عليه فلم يخضع لتحقيق ولم يدخل على القاضى وكمبيوتره المحمول معلق على كتفه ولم يسجل له اشرطه وهو يهدد العجلة قبل ان يسرقها ناهيك انه لم يدعو العجلة لرحلة حج ليعرفها الى امه لانه ينأى ببيت الله الحرام عن هذا العبث فضلا عن انه لا يدعو امه وسريقته للحج الا لو علم ان التوبة تباع بالاموال

8 comments:

TAFATEFO Tuesday, June 02, 2009 2:32:00 AM  

هو حمادة النمس ده بتاع المنزلة؟

الكلمة نور Tuesday, June 02, 2009 2:58:00 AM  

تعرفه؟

Unknown Tuesday, June 02, 2009 3:58:00 AM  

جميل اوووووووووى
رجل البر و التقوى هطم
!!!
كما يسميه بلال فضل
!!!!

تلميع ورنيش بلمع
تحب تلمع حضرتك
؟!

TAFATEFO Tuesday, June 02, 2009 10:17:00 AM  

أنا فاكر زمان (من ييجي سنه أو أكتر) واحد صاحبي حكالي حكايه -والله مش فاكر منها غير طشاش- بس شبه كده

هو؟ .. ويا ريت تحكي الحكايه كلها تاني علشان أنا ناسيها

الكلمة نور Tuesday, June 02, 2009 10:36:00 AM  

تلميع مين بس يا بدراوى دا تطليع دين
دا الواحد خلاص قرب يتنفخ
ياعم هشام دا لا رجل بر ولا رجل بحر
بس فلوسه هتخلينا نقاطع التليفزيون
ونقعد فى الجوامع ندعى عليه
بس حلو موضوع هطم ده
شكرا يا بدراوى

الكلمة نور Tuesday, June 02, 2009 10:40:00 AM  

حكاية كلها ايه يا راجل دا انا باهرج
انا معرفش المنزلة اصلا
بس عموما هاحكيلك حكاية تانية

TAFATEFO Tuesday, June 02, 2009 12:12:00 PM  

طب أنا هخلي ديداموني يحكيلي حكاية الرجل اللي بقولك عليه ده تاني وهبقى أحكيهالك

الكلمة نور Tuesday, June 02, 2009 12:17:00 PM  

:D

Powered By Blogger

Popular Posts

عالماشى

لا ترهبوا طرق الهداية أن خلت من عابريها
ولا تأمنوا طرق الفساد و إن تزاحم سالكوها ..
عبد الرحمن الشرقاوى

زوار

Followers

Total Pageviews