عليا السكات بالتلاته

عليّا السكات بالتلاته
ان ما تخرس لاقطعك
عايزها تفهم من شكل وشى
عليّا العمى بائن ولا رجوع
لو تسرحوا فى عينيها
لاكون مقطع كل صورة ليها
حتى اللى جوا المحفظة
عليّا الصبر
ليكون طريقى طويل
وهى مش حمل مشى
ورجلي يدوب تشيلنى
عليّا الغربة لاكون نافيك
لو تهل وتدق زيادة مرة
عليّا الوجع
والورد بيموت من الوجع
+++++++++++
عليّا اسكت كل مرة
واغمّض عيونى
واكتم فى قلبى لاصوته يعلى
واقفل شفايفى واحبس لسانى
عليا حاجات كتير
ومش مقصر
وبلاش افسر
اصل اخر مرة جيت افسر
قلبى اتهبر ونفسى اتحشر
وعينيا اتبلبلت
وشهقت شهقة وصوتى راح
وصحيت لقيتنى فى قلب عتمة
وواصلنى صوت
يشبه لامى
مش قلتلك حلم الليالى
بعد الغروب اوعى تفسره؟

2 comments:

أميرة Monday, July 13, 2009 1:34:00 PM  

قريتها من بدري بتاع 3 مرات و مفهمتش ايه "قلبي اتهبر" دي يعني ايه


دي ليها علاقة باللحمة و الهبر :)






دا القلب الطيب دا جميل بس بيحتاج الطيب اللي ياخد باله منه

الكلمة نور Monday, July 13, 2009 9:25:00 PM  

اتهبر
مش عارف بس يمكن اتخطف

يجوز ماعرفش

Powered By Blogger

Popular Posts

عالماشى

لا ترهبوا طرق الهداية أن خلت من عابريها
ولا تأمنوا طرق الفساد و إن تزاحم سالكوها ..
عبد الرحمن الشرقاوى

زوار

Followers

Total Pageviews