ماتش مصر والجزائر

الاجد 9-11-2009
لاشئ يبدو حقيقيا مما يحدث
.ادمن البشر الاثارة والبغضاء والكره
اشجع كرة القدم منذ كنت فى العاشرة تقريبا
وصادقت من يشجعون كرة القدة بحكم السن
شاهدت الالاف المباريات من كرة القدم وكنت دائما مشجع لاحد الطرفين حتى لو كانوا من خارج مصر
هذا ما يكسب الرياضة طعما
التنافس
التحيز
اكتساب زملاء يتواطئون معك على اخطاء فريقك المفضل
وفى بعض الاوقات الذهاب الى المدرجات
تفريغ الشحنة فى السب الجماعى- احيانا بلا سبب
سريان سائل النشوة الجهنمى -الادرينالين - فى الدم نتيجة انك تفعل الامر الخطأ محتميا بالمجموع
الشعور انك بطل ملحمى وانت جالس على اريكتك فى المنزل لتشارك جمعا ما نفس المشاعر
الهروب من سطوة الملل
ولكن كل هذا لم يعد كافيا الان
صار كل هذا طبيعيا لدرجة السأم
وجب اذا اثارة امر اكبر من كل هذا
يجب جعل مباراة المنتخب القادمة والفاصلة لتحديد الصاعد لكأس العالم من بين مصر والجزائر اكثر ادرارا للاعلانات
يجب جذب الانتباه اكثر اليها
لا تكفى المنافسة فى الملعب
هذا لا يكفى
الوقت الفاصل بين اخر مبارة لعبها المنتخبين والمباراة الفاصلة كان طويلا
سيمل الناس من متابعة الاخبار العادية
اذن سنشعل حربا
وسنغنى اغانى وطنية
وسنقف لنسب الاخرين طالما سبونا
سنشكك فى قوميتهم لانهم لا يحبوننا
سنعيرهم بما فعلناه لاجلهم
سنستغل غبائهم لنصبح اغبى منهم
ستصبح معركة خارج الرياضة ملفوفة فى علم البلدين على حد سواء
هذا يجعلك فى واجب وطنى وانت تسب الاخرين أو وانت تحقر منهم على اقل تقدير
نعم يكرهنا الجزائريون
حين نلعب كرة القدم
ولكن المغاربة والليبين والتوانسة
والسعوديون ايضا يشعلون المعارك حين نلعب معهم كرة قدم
ما الجديد؟
الجديد انه كان كره وقت المباراة
اما الان فانه كان اعمق من ان ينتهى بنهاية المباراة
اشعلها مقدمى البرامج-والصحفيين
اعملوا اقلامهم فى وجوهنا فصرنا نحمل ندوبا لا تنسى
نقلوا كلاما لا يجب ان ينقل
قرأوا كراهية وكتبوا كراهية
افشوا الجهل والتجاهل والجهلان فينا
اعماهم احيانا الغضب والنفاق احيانا اخرى
فشحنوا القلوب كراهية
وسيحدث يوم المباراة العجب العجاب
سنذهب بالالاف
سننتظر ونشجع فريقنا ونسب الجزائر
واذا صعدنا لكأس العالم-ان شاء الله- سننسى الجزائر ونحتفل
ولكن ان خسرنا-لاقدر الله-0فسيحترق الملعب
وسيفتك الجمهور بكل ما تطاله ايديهم
ستصبح مذبحة ايها الاغبياء
سيموت الكثيرون سواء من الذين لم تتحمل قلوبهم المواجهة مع الشحن الزائد
او الذين سيهبون بعنف ليأخذوا ثأرا لم يستطع اللاعبين اخذه
وفى الحقيقة لم تصنع الرياضة من اجل هذا ولكنها صار كل هذا يمولها
اصبحت تلاعبا بالمشاعر البشرية السيئة بدل ان ترقيها

4 comments:

فاتيما Tuesday, November 10, 2009 1:55:00 PM  

عندك حق يا نور
انا زى حالاتك
بشجع كورة من نفس عمرك
و يعنى بقالى ييجى ربع قرن كدا مشجعة و بإخلاص
لاااو كنت عاوزة اطلع لعيب كورة كمان ..تصور؟؟
قبل ما يخترعوا الكرة النسائية دى
من بدرى بدرى
يعنى اختك فاتيما و لا فخر
من الرواد
المهم
مش عارفة ليه من ساعة ما القنوات الرياضية دى انفتحت
و الحكاية بقت نار على بنزين كدا؟؟
معاك ان شمال أفريقيا بيكسحونا
كل ماتش يتلعب معاهم
و بنعديها
و ليبيا كمان مش السعودية بس
المرة دى الوضع زيادة قوى
و انا خلاص نفسى إنسدت عن البهجة
مش بس عشان الشحن العصبى
و توابعه فى حالة الفوز او الهزيمة
لأ
كمان اداء المنتخب النيلة
اللى خلانا نوصل لحسبة برما
و نتزنق الزنقة الكحلى دى
ما من الاول نلعب عدل
و نبقى مستريحين
لكن تعمل إيه
..اشمعنى الكورة اللى منظومتها
هتبقى ماشية صح
الخلاصة عشان موجعش قلبك
اكتر ما هو موجوع
ربنا يعدى الليلة دى على خير
و لو خسرنا
و الله ما فارقة معايا
بس نخسر بشرف على الأقل
خالص ودى يا نور

الكلمة نور Tuesday, November 10, 2009 2:55:00 PM  

بالعكس انا مش معاكى احنا لعبنا كويس جدا بس احنا لا مؤاخذاة عاملين زى الحيطة المايلة لما تقع معانا فرقة فى المجموعة بتاعت كاس العالم
بنرفع مستوى الكورة فى البلد دى
السنغال بقت سنغال بعد ما لعبتنا
كوت دىفوار
واخيرا الجزائر
وعموما احنا وصلنا للماتش الاخير وكسبنا ماتشين بره ارضنا
احنا معملناش كدا قبل كدا ب
بس اللى مش فاهمة هو لا قدر الله احنا لو اتغلبنا

الناس بتوع البرامج دى هيبقى شكلهم ايه؟
ملحوظة رفيعة على جنب
اسمى مش نور مع ان كان نفسى يبقى اسمى نور:)
تحياتى

mohra Friday, November 13, 2009 12:22:00 PM  

اتفق معك تماما
لا يمكن ان اقول اكثر
بت اخشى يوم المباره
ترى ماذا سيفعل الناس فى بعض؟
استر يا رب

الكلمة نور Friday, November 13, 2009 9:02:00 PM  

ربنا يستر
ويعديها على خير

نورتينى :)

Powered By Blogger

Popular Posts

عالماشى

لا ترهبوا طرق الهداية أن خلت من عابريها
ولا تأمنوا طرق الفساد و إن تزاحم سالكوها ..
عبد الرحمن الشرقاوى

زوار

Followers

Total Pageviews