عام جديد

بدأت التدوين منذ عام كامل
ارسلت 131 تدوينة عبر فضاء الانترنت
صرخت
احيانا سمعت صدى لصوتى واحيانا انسحب الهواء ولم اسمع صوتى اصلا
دونت وانا حزين
ودونت وانا سعيد
واحيانا دونت وانا منتشى ومرات اخرى دونت وانا احسب نفسى فى قاع العالم
فى كل تدوينة حاولت ان اعبر عن نفسى وغالبا خانتنى نفسى
لانه كان قاسيا جدا ان ابوح بكل شئ
تنسحب روحى منى - مثلما يلمس احدهم جرحا عميقا فى جسدك- اذا ذكرت المى
بدات التدوين وانا اظن انها وسيلة جيدة لكى اؤرخ لذاتى على مدار عام
وعندما حاولت انا اقرأ ما كتبته خلال العام لم استطع ان اتجاوز تدوينة واحدة
فكل ما كتبته دون ما مستوى ما استطيع ان اقرأ منه اربعة اسطر متتالية
كان ما اعرفه ان العام الماضى كان ثقيلا جدا
عن اخره ملئ بخيبات الامل
والمرض واحمد الله انه مر فانا الان فى حال احسن رغم كل شئ
لم اخسر فى هذا العام احدا يستحق
ولم يتدخل الموت السريع المفاجئ
كسبت القليل جدا من المال ولكنى كسبت ايضا بعض الثقة فى نفسى
لم احب امراءة حقيقية فى هذا العام -هذا امر يحسب على انه رقم قياسى-
ولم اخرج فى مواعيد عاطفية
ومر العام ولازلت اكره النادى الاهلى ولكن الجديد انى احببت الزمالك-كانت مفاجأة
صادقت سفيرا واستاذ سياسة بالجامعة الامريكية ودكتور جيولجى واستاذ لغة اوروبية بكلية الالسن وفنانة تشكيلية وقهوجي و بائع السمك الذى اتعامل معه
ولم اخسر صديقا قديما
لازالت بعيدا عن هدفى وان كنت اقترب منه بحذر الخائف من ضياعه للابد ان طاردته بقوة
توقفت عن التدخين لمدة شهرين
وذهبت لطبيبة الاسنان لاول مرة فى حياتى
اشتريت بعض الاثاث لشقتى العارية
فاصبحت مكركبة
ترمقنى احداهن بنظرة بين الاعجاب والقرف منذ شهر ونصف مرتين يوميا
هدأت فورة الجسد واصبحت انتقائيا اكثر فيما يخص النساء فهمس صديق عجوز فى اذنى:
" طالما وصلت للمرحلة دى الحق اتجوز لان بعد كده مش هتلاقى حد يعجبك
احنا بنتجوز واحنا شباب عشان بنقبى عايزين اى ست"
ضحكت كما لم اضحك
ثم توقفت عن محادثته فى امور كهذه لان رايه كان محبطا
لا يعرف احد من اصدقائى ان ادون
والذين يعرفون اسمى الحقيقى اثنين ولا يعرفون شيئا عنى اخر وهذا امر اود الحفاظ عليه
هذا عام جديد اذا

8 comments:

فاتيما Sunday, March 14, 2010 11:10:00 AM  

كل سنة
و انت طيب يا نور

عام تدوينى جديد كله خير
و انجازات يا فندم إن شاء الله

انا لو سمحت بعد اذنك
عاوزة اسجل اعجابى
بأغلب ما قرأته هنا
من اول ما اتكعبلت فى مدونتك
و كانت كعبلة حلوة و الحمدلله

اتمنى السنة الجاية
تكون القايمة اكثر بهجة
و اقل حزنا

و انت كمان
تكون أقل وحدة و شجن


ومعرفش ينفع اقولك
تسمع نصيحة الراجل العجوز
و لا بلاش

بس اصله نصيب
ظاهره الاختيار
ومش مجرد اجتياح للونس و بس

و الا يبقى بدل الوكسة
وكستين
يعنى نتجوز
و كمان السخص الغلط
طب ليه
كفاية نتعامل مع مشكلة واحدة
نخليها دوبل ؟؟
مش ناقصة اصلها !!

تحياتى ليك
يا مالك الإجنحة

الكلمة نور Sunday, March 14, 2010 3:12:00 PM  

وانت طيبة يا فاتيما
اشكرك على المجاملة الرقيقة
+++
والله مش عارف بس تبقى خيبة لو الاختيار طلع مش ولابد
ربنا يستر
شكرا لاهتمامك

كيكى عوووووو Sunday, March 14, 2010 10:43:00 PM  

كل سنة وانت طيب
ممممممممممممممممم
غريب شوية الاحتفاليه دى
مليانه لية شجن مش عارفة ليه؟؟
بس ربنا يكرمك
ومن تالق لتالق

Anonymous Monday, March 15, 2010 1:40:00 PM  

بما اني كنت اول حد يعلق عندك في المدونة ميصحش مقولش كل عام وانت بخير

و غالبا غالبا كنت من الاشخاص غير المأسوف عليهم ..

تعيش وتتعرف علي ناس وتقابل ناس و تفارق ناس

تعيش وتعيش ..

الكلمة نور Monday, March 15, 2010 11:59:00 PM  

انونيموس
لا طبعا مش من الاشخاص دول انا باتكلم عن الحياة الحقيقية بره الشاشة
اخبارك ايه؟
كويسة؟

الكلمة نور Tuesday, March 16, 2010 12:00:00 AM  

كيكى
لا شجن ولا حاجة
البوست الجاى اخر نكته واراهنك لو كنت سمعتيها قبل كدا
وشكرا للزيارة

كيكى عوووووو Saturday, March 20, 2010 10:15:00 PM  

جااااااااااااااااامدة اوى دى
عوووووو

الكلمة نور Monday, March 22, 2010 2:03:00 PM  

اى خدمة

Powered By Blogger

Popular Posts

عالماشى

لا ترهبوا طرق الهداية أن خلت من عابريها
ولا تأمنوا طرق الفساد و إن تزاحم سالكوها ..
عبد الرحمن الشرقاوى

زوار

Followers

Total Pageviews