مراّة تضللنى

كل صباح
كل صباح ....واعنى ما اقول
ارفع رأسى فى وجه المراة
فلا ابصر غير الحائط خلفى
اقلب مرأتى
انظر فى الخلف
ابحث عن رأسى
ولاشئ
اتحسس وجهى
استشعر فمى ..أنفى ... بعض شعيرات اللحية
اطمئن نفسى واقول
اليوم سأذهب لطبيب عيونى
واجهز نظارة
والملم خوفى تحت ملابس يومى
واخرج فى الباكر
ابحث عن شخص اقرئه سلاما
انظر خلفى
اعبث فى جيبى
ااهزهز يدى لعلى اصطدم بغيرى
اصدر ضجة
لكلب ينبح لو ابصرنى
ابحث عن قط يجفل منى
اتلفت حولى
كل صباح
كل صباح.... واعنى ما اقول
اتلفت حولى
واؤمن اكثر
ان المراّة تضللنى
ولكنى سأحارب حتى اذهب لطبيب عيونى
حتى لو قالوا سيشفى عيونك
لكن لن يجعل عين الكون تراك

2 comments:

فاتيما Friday, April 09, 2010 9:06:00 AM  

يا نور
حرام عليك يا شيخ



يا عزيزى وجعت قلبى بشدة


معرفش اقولك ايه !!



بس استنى


انا ممكن اقول
ملحوظة عابرة جت على بالى حالا

مش يمكن يا نور
لو الكون خد باله ..
تتعب انتا قوى ؟؟!!


ايوه


احيان كتير البنى آدم
بيستمتع بكونه غير مرئى
زى ابطال الخيال العلمى كدا


صحيح الواحد اكيد
مش هيكون مبسوط علطول
بالحكاية دى



بس دا اختيار ف الحياة
و هوه اللى مرتاحله
بقاله زمن



مش عاوز يغيره


و لا مش قادر يغيره ؟؟


تلك هى المشكلة
على رأى الاخ هاملت


انتا عاوز تخرج من الحيز
و لا عاوز تفضل فيه ؟؟

جاوبنا لو ليك نفس تجاوب


مش ببسطها
و هيا معقدة

أبداو الله


بس ساعات اللى نستصعبه
يبقى اسهل مما نتخيل


بتفلسف ع الصبح ؟؟؟


جايز


رايقة قوى ؟؟؟


جايز


معرفش اى تفاصيل
و مليش القى بأحكام مطلقة
كدا من غير ما اعرف ؟؟

جايز برضو


الشىء الأكيد
و مش جايز


انى بعتز بيك جار افتراضى
اراه صدفة من بعيد
كل فترة
و اتمنى اشوفه سعيد

بلاش سعيد دى


واسعة قوى


اشوفه راضى

اهو الرضا نص المسافة
لأى مكان
زى ما بيقولوا


و يعز علي انك تملك أجنحة
و تشعر ان السماء
بكل هذا الضيق !!




تحياتى يا نور
و صباحك كل خير
ان شاء الله

الكلمة نور Friday, April 09, 2010 3:22:00 PM  

عزيزتى فاتيما
انا لا اشعر بضيق
انا فعلا فى مزاج رائق
جدا جدا جدا
اشكرك على اهتمامك برفع العبء عن كاهل الغلابة
لا اهتم بالكون
فقط اكتب احيانا لانقل ما اراه
ولاننى لا اعطى وسوما للبوست فهذا يخلق اختلاطا استطيع ان اتفهمه
اشكرك
وبوسعك دائما التعليق بكل ما تريدين

Powered By Blogger

Popular Posts

عالماشى

لا ترهبوا طرق الهداية أن خلت من عابريها
ولا تأمنوا طرق الفساد و إن تزاحم سالكوها ..
عبد الرحمن الشرقاوى

زوار

Followers

Total Pageviews