الرابع والثلاثين


جاء العام الرابع والثلاثين بسرعه شديدة ... تهمس امى : لن تشعر بالاعوام القادمه وستيقظ لتجد نفسك اربعينى وحيد
اقول: الثلاثه والثلاثين مروا كطرفه عين .. اضحك واشعر ببعض المرارة..
احلم بأبى مرة اخرى .. يظهر فجأة كعادة الاحلام ليجهر بالصلاة على النبى ويختفى...
صديقتى تعطينى ساعه يد كهدية لعامى المنقضى.. :)) ما قالته امى عن الزمن المتسارع اعطتنى امراءة اخرى عداد لاحسبه .. لا استطيع الافلات من فكرة "كم تبقى؟ وهل سيكفى" واعود كحل سريع لتلك المعضلة "ومن اكتفى؟" ...
 بعض الصباحات تشعرك ان كل يوم جديد هو هبة من الله ... "

4 comments:

فاتيما Sunday, September 18, 2011 10:16:00 PM  

كل سنة وانتا طيب يا نور
لسه كنت على بالى يوم الجمعة اللى فاتت

معرفش دا احتفال
ولا حفلة زعل ع اللى لسه مجاش
بس اظن
وأزعم
ان العمر الحقيقى بما أنٌجز فيه
مش بتقويم ولا نتيجة ..

وأزعم كمان
ان الغنجازات
اوقات كتير مبتحصلش فجأة
اكتر ما بتكون تراكمات
حاجات بتحصل واحدة واحدة
يتهيألك ان عمرك فيها بيروح
بس بيطلع مبيروحشى ولا حاجة
لما بعد وقت
تلاقيك أنجزت
مالم تظن انه هيحصل ويجيلك

مش عاوزة اكون اتكالية
واقولك كله نصيب ومكتوب
بس هقولك انه رزق
محدش بيموت ناقص منه يوم او قرش او حاجة مش هيشوفها

وكمان الخسارات
رزق
مقسوم يسيبك ويروح لغيرك
فالمفروض منزعلش
لكن طبيعى كبشر اننا ناخد وقت
عشان نتقبل الفراغ الذى يلى الخسارة


والمقولة اللى بعشقها بقى
وهى قانون بيخلينى اتقبل ف النهاية كل الهزائم

ما أصابك لم يكن ليخطئك
وما أخطئك لم يكن ليصيبك


كل سنة وانتا طيب
وعيد ميلاد سعيد

وبطلوا تلاقيح كلام ع اللى داخلين ع الأربعين
عشان بيجيلى حساسية
واستبحس
واصلا اصلا مش فارق معايا
وعاتشى يعنى
فيه ايه
اربعة وجنبيها صفر
جرى ايه ف الدنيا ؟!!!!!!

دلع رجالة صحيح

(وش رافع حاجب ومندهش وبيبرطم)



كل سنة وانتا بألف خير

الكلمة نور Monday, September 19, 2011 3:37:00 AM  

اختى العزيزة
كل سنة وانتى طيبة
:))
مجرد خواطر مرت قولت ابخها فى الصفحه مع الاسف للاصدقاء اللى مضطرين يقروها
******
شكرا لاهتمامك

candy Tuesday, September 20, 2011 1:53:00 AM  

كل سنة وأنت طيب

أنا كمان عندى الأفكار بتاعت عملنا إيه وفاضل قد إيه دى علشان عيد ميلادى برضه :))

بس أنا التلاتة وعشرين

بس حاسة أنه مافيش فرق بين العشرين والخمسين لأن كله ماشى بسرررررعة أكبر من أن حد يدركها على رأى أينشتين

زى عواميد النور اللى بنشوفها من شباك القطر بيعدوا بسرررررعة ويعلموا موجة لون لو متشابهين ، وبيبقى رقم عشرين زى خمسة وسابعين

مش مهم عايشين قد إيه بس المهم عاملنا إيه ؟؟

كل سنة وأنت طيب :)

الكلمة نور Wednesday, September 21, 2011 12:20:00 PM  

كل سنه وانتى طيبة ياقمر وعقبال المية
طبعا السؤال بيعيد تكرار نفسه كل فترة وكل مرحلة
بس ياريت تبقى الاجابة مرضية ولو فترة صغيرة

Popular Posts

عالماشى

لا ترهبوا طرق الهداية أن خلت من عابريها
ولا تأمنوا طرق الفساد و إن تزاحم سالكوها ..
عبد الرحمن الشرقاوى

زوار

Followers

Total Pageviews