كل عام وانتم عرب

كل عام وانتم عرب

ولياليكم بلا قمر

كل عام وعيالكم اكثر منكم رجولة

كل عام وخيولكم اكثر منكم عروبة

كل عام وانتم خصيان اللسان

وليالكم الحمر مقياس الرجولة

كل عام وافحلكم فى المخفر مثل العاهرة

كل عام وانتم حمقى

لا ارض تأويكم ولا جرح يدميكم

فى الوطن اغراب

وفى المنفى اسد ثائرة

فرسان بلا خيول

وسيوف بلا جيوش

وايام عزكم دوما غابرة

كل عام وصمتكم افجر من الكلام

وحروفكم كلها ايماءات قابلة

كل عام وانفاسكم محسوبة

ضحكتم .. بكيتم او صمتم

وان صرختم فوراء الشمس متسع

والكون ملئ بالف بالف شمس ان تمتلئ

كل عام وانتم اغبياء

وبالله تظنون الظنون

وانتم ساجدون وراكعون

ودموعكم تحفر شقوق

وصراخكم يعبر الحدود

فالله فى المساجد ليس يسكن

ولكنه يسمع حين تكذبون

ويراكم وانتم تسرقون

ويعلم انك ظالمون

اينما تكونوا هو يكون

فكل عام وانتم تظنون

انكم بالله تؤمنون

كل عام وانتم وليمة على مائدة الشيطان

زهور مذبوحة ونسيم مخنوق

ماء يتبخر وكرامات تتبعثر

منكم ينهش احلى ما يمكن وما سيكون

يمضغ انضج ما يوجد

وينضج ما سوف يكون

كل عام وهو يسرق السنتكم

ليعلكم احلى كلام

يغتصب سماءكم ...يتطهر بالامطار

وانتم للطهارة مقدسون

كل عام والذى يليه

منه اسوأ

فالفرحة حكرا عنده وجميع الالوان

ورجال ببطون تتكور ونساء مفتولى العضلات

كل عام وانتم اخرس من حجر فى قاع المحيط

كل عام وانتم صامتون

كل عام وانتم تكفرون

كل عام وانتم تعرفون وتنكرون

كل عام واعلمكم جاهل

وانتم تسقطون

كل عام

وانتم تختفون

كل عام.....كل عام

هونها يارب

حين تبدا حياتك فى السقوط من حولك تداعيا ويبدو كل شئ كان من لحظات صحيحا خطا فادحا تسترجع كل قدراتك الايمانية لتبتهل الى الله الذى نسيته فى ايام الرخاء ليحفظ نعما كنت تعدها بديهيات مكتسبة ولكنها الان اصبحت فى مهب الريح تدعو الله ايضا ليوقف نزيف اعصابك فكل شئ اصبح لا يطاقحتى قهوة الصباح.

كمسبحة تنفرط يصبح كل شئ فمرض ابيك يليه انقطاع عن العمل تضطر لمغادرة مملكتك التى جهزتها بما تريد , سرير واحد مريح فى حجرة حاولت ابقاءها دافئة بصور احبائك واستقبال مريح بكرسى هزاز وحيد وتلفزيون منزوى وبجواره لاقط الاشارة (دش) فى ركنه ومنضدة صغيرة عليها كتبك واخرى اصغر للنثريات كل هذا مفتوح على مطبخ صغير فيبدو كل شئ راقيا فى نظرك رغم عدم تكلفته العالية التى على قلة ثمن كل هذا الا انه ابتلع عملك لعامين جعلتها برية لذئب واحد وكنت انت الذئب لا تستضيف احدا لان كل شئ فى بريتك كان لشخص واحد كانت برية يعصف بها صمت تحبه والضيوف يكرهون الصمت يتحدثون مجاملة يضحكون مجاملة تبدا الدردشة فى المواضيع السخيفة من عندهم دوما

يعبثون بكتبك يحبون مشاهدة الافلام التافهة وقنوات الاغانى والمصارعة الحرة فى التلفزيون وانت تكره كل هذا وتكره وجودهم الغير مبرر.

تنظف حمامك كل يوم واستخدام الاخرين له يجعلك تكرهه سوف يمسدون اجسادهم بصابونتك ويستخدمون منشفتك ويتركون الحمام مبتلا يطفئون سجائرهم فى الارض يحولون محطة الراديو بحثا عن اسامة منير وعندما يحل الليل وتحاول ان تبدا ساعات صفوك يعجبهم سريرك ويتركونك تفترش الارض

كل هذا الان يتحرك جانبا تسافر لتمرض اباك وتعود مرة اخرى ذئبا فى الاسر تاكل وتستيقظ فى مواعيد لا تحبها يصبح نزقك محكوما براى الاخرين حريتك التى تفتقدها واموالك التى تتناقص كما يتسرب الكحول للهواء يجعل اعصابك مستنزفة اباك الذى حوله المرض فصار شرس الطباع عصبيا متعدا برايهو يغضب بلا اسباب كالاطفال لا يهادن لا يصمت لا يترك احدا لا يشاكسه يود قضاء اليوم خارج البيت رغم انه يجب ان يبقى فى البيت ولا تستطيع منعه تحلو له الصلاة واقفا رغم الرخصة بالقعود يصوم النوافل رغم خطر الصيام عليه . تواطء عليه السكر والضغط وجروح القدم والوحدة اصحبه للصلاة اداوى جروحه اسال الله ان يشفيه وان لا يبلغنى من العمر ارذله فان لم يكن هذا ارذله فماذا يكون ؟اسال الله الغفران فان من الدرجات ما لا تبلغها بعملك فيرقيك اياها الصبر على البلوى والاحتساب هكذا تذكرت مقولة الامام الغزالى فاسترجع واحوقل واسال الله ان يقينى شر الفتنه وان يتقبل من الله صبر ابى

يضغط مرضه على اعصابى كل يوم اكثر من الذى قبله تبدا مسيرة الاستدانة تبدا فى تذكر حساباتك المغلقة والتى تركتها وانت تغادر مدينتك تحسبا للظروف وها هى الظروف قد اتت

يجد اباك السلوى فى المستشفيات وسط زملائه يتكلمون كثيرا يحكون فى كل شئ يتبادلون الذكريات والمخاوف والضحك المتوتر وقضاء اللليل ذهابا وايابا للحمام

اما انا فاكثر شئ كرهته المستشفيات

تضغط على اعصابى رائحة التعقيم البؤس المزروع فى الوجه التأوهات لون الاسرة وجه الممرضين توحش الاطباءوالاضاءات التى تكسب كل الوجوه لونا واحداحين ينتهى كل هذا لن تكفى بريتى للاستشفاء ساحتاج مكانا لا اعرف فيه احدا ولو على سبيل المصادفة ولا احمل فيه الا مسئولية نظافتى الشخصية ايا كان الوضع فكل شئ ماّله الانتهاء حتى النهايات وان طالت تنتهى

اللهم اشفى كل مريض وازرقه الصبر واجعله فى ميزان حسناته

ستة ابريل 2010 ان شاء الله

تصبحوا على خير وعافية وكلام من لسان مش مربوط ولما نتقابل تانى هنرمى على بعض الصباح ونخرج بعض من سكوت مكروه كراهة التحريم

وننسى سته ابريل 2009 ونستنى اقرب سته ابريل جديد فى 2010 او حتى يجى فى اكتوبر اللى جاى مش هتفرق كتير انا معرفش شباب سته ابريل ولا واحد منهم وشرف ليا انى اعرفهم و باحبهم والله وابريل نفسه يتشرف بيهم

وعارف انهم واخدين على خاطرهم من سته ابريل 2009 بس متزعلزش زعلكم يزعلنا والله حتى لو فى منكم خافوا ينزلوا من البيوت مش مهم كلنا بنخاف والخوف بيشل التفكيربيربط اللسان محدش نزل عشان تانبوا نفسكم على انكم منزلتوش مش مهم

ابريل الجاى هو المهم مش هتبقوا لوحدكم الناس هى اللى هتنزلكم من البيوت هما اللى هيحموكم وهيقتلوا جواكم الخوف .

من سبعة الاف سنه عدى علينا سبعة الاف ابريل كل ابريل يشبه ابريل بس لما جيتم معادش ابريل هوا نفسه زاد على شم النسيم كمان شم نسيم والله ربيع كمان

مانتوش مصدقين والله حقيقى انتم عملتم عيد جديد للربيع عيد فتح الفم وتحريك اللسان عيد للاحلام

ننام يوم خمسة ابريل واحنا بنحلم ان بكره يوم جديد قبلكم مكانش فيه سهرة للحرية يوم خمسة ابريل قبلكم كان ابريل فيه تحرير سينا دلوقتى فيه عيد تحرير الحلم

محدش فيهم يعرفنى ويمكن حتى ميقروش كلامى بس لو حد يعرفهم وقرا كلامى يبلغهم انكم ارجل من مليون راجل حتى لو خايفين وانكم حتى لو غلطتوا اجدع الف مرة من المخروسين

وانكم شجع من العادلى وكلابه

اجدع من كل كلب مستخبى فى بدلة لو تعرف حقيقته تدوب وتسيبه ملط

اجدع من اللى ساكتين ومبرشمين متزعلوش هما بس نايمين

ونومهم تقيل مبيصحوش بالهز ولا بالتهريج

مبيصحوش من اول ندهة صحيح شكلهم ميتين

بس هم مش ميتين

هم بس نايمين بس خافين والتعب هاددهم فعاملين زى الميتين

بس اول ما يصحوا هما اللى هيسبقوكوا ان شاء الله

هنستناكم فى اى ابريل تختاروه هيكون فى مارس - اذار-رمضان او اى عيد هتخاتروه حتى لو فى ديسمبر هيبقى برضه عيد ربيع النهارده لما خفت اعلق العلم

افتكرتكم ولبست اسود على الرجولة

ونزلت الشارع مافيش لا حس ولا خبر مزعلتش والله مازعلت

قبلكم كان الاسود للحزن دلوقتى بقى للكلام المكتوم

السنه الجايه هتبقوا اكتر واكبر والناس هتبقى فاقت من النوم و الخوف اهم حاجه متزهقوش

عز الدين القسام بيقول "كنا ننزل كل مساء بسيوف وخيول فنحارب جيش مسلح بالمدرعات والبنادق وكان يموت منا كثير كانت معركة محسومة لهم ولكننا كنا ننزل لكى لا ينسانا الناس"

انزلوا عندنا كل ليله وان مكانش ابريل الجاى فابريل الذى يليه

مش مهم اخوان ولا ايمن نور ولا تجمع ولا الوفديين ولا حتى كفاية انتم اهم

حتى لو مكانش حد معاكم هما الخسرانين

اعملوها السنه الجاية بشعار مع المهنيين العمال الدكاترة الصيادلة المهندسين العاطلين المحاسبين او انشالله الجن الازرق لو ليه مصلحة

ومصر كلها تقف جنبهم نتواصل مع بعض نقف مع اى حد منهم او نقف كلنا مع بعض عشان مصلحتنا

المهم ان مافيش ابريل يعدى على الحكومة وهى قاعدة على مكاتبها مطمنة ان كله تمام التمام والخرفان بايته بتاكل وبتشكر وبتنام بقية اليوم

هيجى يوم وهيحصل المراد والناس هتفضل مضربة من سته ابريل لما يمسحوا التاريخ القديم كله

سبب نجاح اى حاجة فى الدنيا الاول هو الاخلاص وبعد كدا تيجى اى حاجه

رسالة الى كل اللى زيي

بسم الله الرحمن الرحيم "واتقوا فتنة لا تصيبن الذين ظلموا خاصه"

وادينا (انا وكل الناس) فى قلب الفتنة واحنا مظلومين مش ظالمين لان احنا سكتنا وطرمخنا وكمان قعدنا فى بيوتنا لما كان لازم نخرج وخرجنا لما كان لازم نقعد وقاطعنا الاضراب وخلاص يمكن يكون الاضرابات اخر حل الظلمة يحسوا بي وبكره لو المحطة دى فاتت هتقولوا انهم كانوا صوت العقل فى اوقات الجنون

اللهم اجعله حلم

لما تبدا الاسبوع يوم السبت وتلاقى نفسك فجاة بقيت الخميس يبقى انت اكيد مش عايش انت اكيد بتتزحلق

بتتزحلق على مسامير من الصبح بدرى فى الميكروباص لغاية اخر الليل وتنام فى مترو المرواح واقف

وتكمل نومك وانت بتاكل غداك المتاخر ولما تريح على السرير بيبقى معادش فاضل كتير على الصحيان البدرى وتصحى وانت نايم

ولما فى اخر الشهر الاتنين جنيه يفرقوا معاك والسجاير تبقى على الاد والقعاد على القهوة بالتيلة هيبقى نفسك بالتيله

لانك خايف من المفاجات اللى مش معمول حسابها فلوس تقع من جيبك توريطه فى عزومة سلف مش عارف هترده ازاى ضيوف مش عارف هتعمل الواجب معاهم ازاى؟

لما المشى الشوارع الزحمة يكتم على نفسك تتخنق والناس تخبط فيك وانت تخبط فيهم تخرج من شارع زحمه بعد ربع ساعهوانت زى الموبايل اللى بطاريته خلصت معندكش طاقة تهرش فى راسك بالظبط بالظبط شبه ملاية السرير مش عارف اولك من اخرك.

لما كل الناس اللى حواليك يبقوا كلهم محتاجين منك حاجات وانت عارف انك اخر امل ليهم من غير سبب واضح يبقى انت رسمى اتزحلقت

لما تقعد تتعلم كل عمرك وتلاقى كل اللى ضبعت عمرك فيه مش هينفعك انت لازم تتعلم من اول وجديد يبقى انت اتزحلقت ولما هتفكر تتجوز وتلاقى بنت الحلال او متلاقيهاش بس اتورطت فيها وتلاقى ان عيله كامله رميت عليك مسئوليات مالكش فيهاعشان هما فاهمين الرجولة غلط تاكد لهم فهمهم وتقول هو مين اللى فهم صح ؟ّ!

تتورط اكتر تتزحلق اكتر وفى الاخر هتعرف انك فقدت اعز ما تملك واتخوزقت زى سليمان الحلبى بس الحلبى كان شهيدوانت اتخوزقت اونطة لان اللى نصب الخازوق مكانش يقصدك اى حد مكانك كان هليبس الخازوق حتى ده اخدته غلط بس عالاقل طلعت بحاجه من الدنياوالاسئله مش بتخلص والحظ دورات ساعات يجيبلك اجابه وايام يطنش يمر من حيينا هيا ليه المسئوليات مبتخلصشى وامته هيجى دور الحقوق

عملت كل اللى المفروض اعمله اتعلمت وتعبت دخلت المدينه الجامعيه بطلوع الروح وبنص درجه بعد ترم كامل ورفضت ادخل تبع الامن وقالولى شغلتك تتعلم وانت قافل بقك والا تبات على الرصيف سكت وذاكرت وامتحنت اتخرجت ودخلت الجيش مقبلونيش اديت الخدمه العامه.

اتعلمت من اول وجديد تعبت لما لقيت شغل وكمان كرامتى كانت تحت جزمتى واشتغلت ودفعت للحكومة كل اللى طلبته منى ضرايب وعوايد وكهربا وميه وغرامات تاخير عن حاجات مكانش المفروض اعملها جمعوا مننا وانا فى ابتدائى فلوس لسداد ديون مصروهربها البليدى ولكح والشريف والريان ,وغيرهم بره وسرقهم ماهر الجندى والحباك وابوغزالة ويوسف والى وعبدالرحمن وكل حرامية الحكومة ومعاهم اللى سابهم يسرقوا

شجعت المنتخب بكل حماس انضميت للوطنى وانا صغير والوطنى خلانى ازور صورة بطاقة وانا عندى 15 سنه عشان اطلع رحلة علمونى فيها الادب ولما رجعت قطعت الكارنيه

قالولى تدفع ونعينك فى بنك او البترول قلت لا واعمل فى غيرى اللى اتعمل فيا دى تبقى عيبه وميبقلهاش الدنيا طعم بعد كدا لو حسيت انى ظلمت

وقفت فى طابور العيش بمنتهى الاحترام اللى فى الدنيا وقلت دى ظروف العالم كله الدقيق بيشح اشتريت العدس وهوا ب 15 جنيه والدوله بتصرف على الامن المركزىوابراهيم نافع وسمير رجب اكتر من اللى بتصرفه على دعم البنزين.مشيت كل ورقى قانونى قلت لو زورت فى ورقى يبقى الدور على قلبى

ابويا قالى اللى يمشى عدل يحتار عدوه فيه مشيت عدل اعدل من موس الحلاقة وعدوى محتارش فيا والعيب مكانش فى ابويا انا اللى فهمت عدل غلط

دفعت اللى قدرت عليه ومقبتضش اى حاجه

اللهم اجعله حلم وصحينى بسرعه

ان تكون القذافى

هذا يعنى ان تكون قائد اممى وعميد حكام العرب وملك ملوك افريقيا وامام المسلمين وتترك امثالى يفكرون فى سلخ جلودهم والارتداد عن دينهم وترك كل ما يجعلك يشتركون فيه معكوسوف تتركنى فى متاهات فلسفية وتجعلنى افكر ربما تكون نبي اخر الزمان ولكن لعن الله الزهايمرفقد انساك ما كنت

انت تكون القذافى فهذا يجعلك قائد اممى يسافر بخيمه ويختار ان يقيم بها فى حدائق القصور زهدا فى القصوررغم ان الخيمة مكيفة ومصنوعة فى اوروبا وتاخذ فى صحبتك 300 راس ماشية ووفد مكون من 100 شخصان توكن القذافى يجعلك تفاخر برؤوس الماشيىة عن رؤوس البشر اللى زيك فانت حقا قائد لامم الخرفان

ان تكون ملك ملوك افريقيا يجعلك قائدا تقدمى رغم انك اتيت اخا عقيدا قائدا لثورة على رقبة ملك ليبى رجعى

ان تكون عميد حكام العرب يجعلك عميدا لمجموعة من السارقين وقاطعى الطريق والطغاة الذين لا يعرفون ربارغم انهم خدام مساجده وقواد طلعاته الجوية وحروبه المقدسة وخلفائه فى الارض وهذا ايضا يعنى انك سوف تكون الاول فى طابور الشنق الذى سيعد للجميع العميد حسام حسن ضفره برقبتك

ان تكون القذافى فهذا معناه ان تصمم كل الشراميط اللى بتلبسها بنفسك وتاتى بصناع ايطالين ليحيكوها لك

ان تكون القذافى فهذا معناه ان تكون متهما بتفجير واتلاف كل مكان هبط فيه رجالك و تدفع تعويضات بالمليارات من اموال الهمك الله اياه لانه يحبك -

ان تكون القذافى فهذا معناه ان تصبح اضحوكة العالم حين تحاول شراء قنبله نووية جاهزة وحين تفشل تحاول صنعها وحين ترى عدى وقصى ممدين فى المشرحة وهم ابناء الرجل الذى يليك فى منتخب حكام العرب تشى بكل من ساعدك فى صنع القنبلة من اول عبدالقادر خان الى قائد السفينه التى كانت تشحن لك القطع فانت حتما اصبحت ملهما للحفاظ على السلام العالمى

ان تكون القذافى فهذا يجعلك نموذجا للاستبداد المعتمد على جهل الشعوب قصدى ال100 ليبى اللى بتحكمهم وتعتقد ان حكمك ا لقائم على البطش والتنكيل والطغيان اختيارا ربانيا لانك من الملائكة المتخفيين

ان تكون القذافى فهذا يجعلك تعمل نظرية وتؤلف كتاب اخضرا بترتر وتكتشف فيه احد اهم اكتشافات العصرالحديث ان المراة تحيض والرجل لا يحيض

ان تكون القذافى فهذا يجعل شعبك جاهل واولادك يتعلمون فى لندن ويجعل شعبك الغنى اصلا فقير واولادك يتجارون باموالهم فى بورصات العالمان تكون القذافى فهذا يجعلك تهدد بمنع دولة كادت تحاسب ولدك لانه تجاوز القانون من البترول الذى اعطاك اياه الله لشخصك ولانك حبيبه فى الارض هل تعرف القانون؟

ان تكون القذافى فى ليبيا فهذا يجعلك قائد وملك وملوك وامام مسلمين

ان تكون القذافى فى مصر فهذا يجعلك سائق توكتوك او رجلا يجمع الاجرة فى ميكروباص ابوزارع المنيب

وفى السهرة تكون بطلا للمسخرةعلى قهوة البرعى الشيحى كل ليله

وعايز اقولك وانت قائد اممى وعميد حكام العرب وملك ملوك افريقيا وامام المسلمين واخ عقيد

يحموك فى كنكه تغرق

جمال حمدان

حين يتسع صدر مصر برحابة للرجل الصغير الى القمئ, فانها تضيق اشد الضيق بالرجل الممتازاذ لا مكان له فى توسطها ووسطيتها وافضل مكان له خارجها(تذكر نجاح المصريين فى المهجر)فشرط النجاح والبقاء فى مصر ان تكون اتباعيا لا ابتداعيا تابعا لا رائدا محافظا لا ثوريا تقليديا لا مخالفا ولذلك فان مصر ليست ولا يمكن ان تكون ثورية حقا مصر المعتدلة باختصار , وهى للاسف الشديد عند النظريةبيئة طاردة لابنائها الممتازين تلفظهم بانتظام واحكام(بمثل ما ان المعارضة فى مصر محكوم عليها بالاعدام سلفا كمسالة روتينية) وللامعات والتافهين طول البقاء.بعبارة اخرى مأساة مصر فى هذه النظرية هى الاعتدال فلا هى تنهار قط ولا هى تثور ابداولا هى تموت ابدا ولا هى تعيش تماما وانما هى فى وجه الازمات زالضربات المتلاحقة تظل فقطتنحدر تتدهور تطفو وتتعثر دون حسم او مواجهة حاسمة تقطع الموت بالحياة او الحياة بالموت ,منزلقة اثناء هذا كله من القوة الى الضعف ومن الصحة الى المرض ومن الكيف الى الكم واخيرا من القمة الى القاعبل ولعلها ما عاشت الالاف السنين دون ان تموت الا لانها استبدلت المرض المزمن بحياة الصحة وحيوية الحياة اى استبدلت طول العمر والحياة الطويلة بالقوة والحياة العزيزة الكريمة وهو ما يسميهالبعض معجزة العجز وما دعاهم الى القول بانه ان كان ثمة "معجزة مصرية" فى التاريخ فهىمعجزة العجز تلك.
جمال حمدان

الشروق و السودان والبشير

معنديش خبرة عن شغلانه الصحافة وكل علاقتى بالصحافة انى باقرا جرايد بس اللى اعرفه ان الصحافة الحقيقة قايمة على الاخبار الحقيقية والتحليل
جزء الاخبار دا بيقى عبارة عن صحفى ومصدر
صحفى بيحقق المعلومة اللى بيمده بيها المصدر
ولان العالم اتغير من اللحظة اللى نقلت فيها السى ان ان حرب الكويت فى اول التسعينات ومعادش فيه حاجه بتستخبى اكتر من 3 ساعات فكان غريب ان الشروق تنفرد عن كل صحافة واعلام العالم بخبر ان غارة على شرق السودان على قافلة يقال انها تحمل سلاح كان سيحدث نقلة نوعية فى الحرب على غزة (صواريخ مداها 70 كيلو) واللى عمل الغارة اسرائيل.
الشروق انفردت بخبر متعلق بحرب غزة فى سودان البشير بعد حدوثه بشهرين السودان اللى فيها حرب اهلية - هيئات معونة – وكالات انباء – امم متحدة – شركات بترول دولية – منظمات حقوق انسان ولمن لا يعرف اغلب جواسيس العصر الحالى يعملون تحت هذه المسميات او على الاقل فى الزحمة دى الحرية بتكون اوسع.
وده معناه ان الشروق لها مصدر خفى فى السودان مصدر بيعرف اكتر من الاقمار الصناعية اللى بتشوف دبة النملة والبترول – مصدر بيشوف ومش بيتشاف – مصدر يعرف اكثر من الجزيرة ورويترز والاسوشيتدبرس والفرانس برس والبى بى سى والس ان ان وهاّرتس مصدر خفى عن ايران واعلامها مصدر خفى عن الحكومة السودانية نفسها اللى بتعمل تحقيق الان عن الغارة مصدر متغلغل يعرف معلومات اكثر من كل الهيئات والوكالات وربما يصنعها ايضا مصدر بيعرف دبة النملة فى السودان مصدر عارف الطرق اللى بيدخل منها السلاح مصدر يعرف جغرافية الدروب بين مصر بطولها والسودان ايضا ولكنه لا يستطيع ضرب قوافل السلاح بنفسه ولا مصادرتها بداخل ارضه فى عز معمعة حرب غزة وبيعرف يسكت وبيعرف يخبى المعلومات لغاية ما يكون لها اهمية مصدر اخفى المعلومة للحظة سوف تصبح ذات اهمية له فى الاساس وعالماشى سوف يستفيد يمد بها من يستطيع دفع ثمنها
مصدر اقوى اكيد من الجهة اللى هينشر عن طريقها الخبر
الشروق
الشروق اللى هيا فى الاصل الاهرام بعد ازالة الحشو واضافة بعض الشباب وخبرات دار نشر عريقة وكتاب وادباء وخط سياسى لا يكذب ولكنه ايضا لا يقول كل الحقيقة يكتفى بنصفها ومن النقد يكتفى بمعارضة الذيول ويترك اصل المشكلة الشروق عمرها فى السوق المصرى شهرين
ولان مالك المؤسسة ومصدر تمويلها هو ابراهيم المعلم
والمهندس رجل نارعلى علم لن اضيف كثيرا لسيرته المعروفة للجميع الا معلومة معروفه عن علاقته القوية بالنظام المصرى وبخاصة زوجة الرئيس واشتراكه كراعى رئيسى ورسمى لمهرجان القراءة للجميع كل عام وهو ما تحسبه على انها مشروع عمرها
واعود فافكر فى المصدر الذى سوف يستخدم المعلومة فى الوقت المناسب له بطبيعة الحال وفى طريقه سوف يمد بها احد الصحف اليومية الجديده كضربة صحفيه ينقل عنها العالم وتصبح اسما مرموقا يسعى ورائه الجميع وسيتلقى المصدر المقابل فى يوم ما وربما تصبح هى جريدة النظام الجديد يوما ما
كل اللى قولته ده احتمال 70% يكون سوء نية غير مبرر بس انا للاس اكتر حاجه اتعلمتها فى البلد دى سوء النية

عن السودان و البشير

السودان جاءها البشير على ضهر دبابات مصرية فى اواخر التمانينات ليطيح بنظام الميرغنى المنتخب بعد نظام سوار الذهب اول رجل عربى يترك السلطة طوعا فى العصر الحديث
البشير الذى انقلب على نظام مبارك الذى اتى به فى منتصف التسعينات واصبح نظام اسلامى
البشير اصبح اسلاميا ثوريا واشرك الترابى فى الحكم اوى بن لادن بامواله ورجاله واعطى الامان لكارلوس الهارب من جحيم الخيانة العربية المتكررة
البشير لما عرف انه ممكن يبقى اسلامى وديكتاتور وثورى من غير ترابى او بن لادن او كارلوس سجن الاول وطرد التانى
ثم فاوض فرنسا على كارلوس وعباه فى صندوق وشحنه فى طيارة خاصه وهو مخدر عشان يصحى يلاقى نفسه فى قلب باريس مسجون مدى الحياه
رغم انى مش متاكد اذا كانت اتهامات الجنائية الدولية ضده حقيقة ولا لا ! الا انى عايز اقوله ان كل اللى قاعدين يصقفولك دول محدش منهم فك الحبل عن رقبه صدام ولا حتى قال بم وانهم مهما دافعوا عنك باسم الكرامة العربية ومهما نشروا اخبار ان الاسلحة كانت بتروح لغزة من عندك فدا مش هيغير حقيقة تاريخك وعايز اقولك كمان بلاش تصدقهم لان واحد منهم هيربطك على ضهر توك توك ويوديك فى مشوار سريع مدفوع الاجر لغاية كينيا او تشاد او على الاقل هيسلمك للكمين الامريكانى الثابت اللى فى اول الدوحة
وكما تدين تدان

دليلك الذكى للانتحار اللطيف

1- اذا كنت انسان عادى بتفهم ساعات وعقلك بيهنج ساعات اتفرج على اربع حلقات متواصلة لمحمد حسنين هيكل على الجزيرة
2- اذا كنت انسان بتقدر قيمة الوقت ومهتم بالتكنولوجيا ادخل لتشاهد اى فيديو على اليوتيوب وانت متصل عن طريق خط التليفون وانتظر لتدفع الفاتورة اخر الشهر
3- اذا كنت ساداتيا ادخل مدونة جبهة التهييس الشعبيه
4- اذا كنت ناصريا ادخل على مدونة الوعى المصرى (ملحوظة اذا كنت حزب وطنى او تنتمى للعصرالحالى باى شكل فانت مش هتعرف تنتحر وكفاية عليك اللى انت فيه)
5- اذا كنت رقيق المشاعر كل طبقين فول حار الصبح من اى عربية وارمى نفسك جوا اول اتوبيس رايح على شبرا (خط طوالى) –يبدأ العرض اعتبارا من يوم الاثنين
6- اذا كنت من محبى الذهاب للبيت مبكرا اركب ميكروباص اخر فيصل من عبدالمنعم رياض يوم السبت او الجمعه ابتداء من التاسعه مساءا
7- اذا كنت ممن يقدرون قيمة الوقت ولا تهتم بالتكنولوجيا اقضى 5 ساعات على اى مقهى فى وسط البلد الثقافى متصنتا على حوارات جيرانك
8- اذا كنت متعصب فى انتماءك شجع نادى الزمالك او حسام وابراهيم حسن
9- اذا كنت قومى عربى وقضية القدس اهم عندك من ابوك وامك وبنتك القادمة ستسميها غزة وابنك ستسميه حماس اتفرج لتسجيلات التليفزيون المصرى وقت الحرب على غزة
10- اذا كنت من الاخوان المسلمين اتفرج على برنامج عمروعبدالسميع فى التليفزيون المصرى او اضرب صحوبية مع عضو فى حزب التجمع من انصار رفعت السعيد او اقرا كتب رفعت السعيد نفسه
11- اذا كنت رجلا لا تهتم بالسياسة ولا بالادب ولا باى حاجة لاتتعلق باكل العيش احضر اى ندوة فى حزب التجمع او فى اتيليه القاهرة اللى قدامه
12- اذا كنت من هواة الارقام القياسية ومهتم بقدرة البشر على القايم باكثر الاشياء استحالة شاهد محطات التلفزة الاماراتية وارقام دولتهم فى اكبر علم واطول برج واضخم جائزة
13- اذا كنت ممن يحبون الستر ويكرهون كل ماهو مبتذل وفضائحى ادخل على موقع العربية نت
14- اذا كنت لازلت تؤمن بالعرب كشعوب محترمه وممن يفهمون ببطء وتعانى الصداع حين تفهم اقرا تاريخ الصراع العربى الاسرائيلى مفصلا وسوف تتشقق راسك وتسقط قطعا فى فصل النكسة دماغك هتعلى تانى فى حرب 73وسوف تقلى مخك بالبيض مختارا فى طاسة وسخة بعد كامب ديفيد وسوف تعزم الجيران على شوربة مخاصيك فى حرب الكويت وبعدها لن تجد سببا لتعيش فقد فقدت اعز ما تملك
15- اذا كنت سنى المذهب بحق وحقيق وغيور على مذهبك وراجل من ضهر راجل اختر اى ممن بين الاقواس (شيوعى – ناصرى – مثقف من وسط البلد – عم رجب القهوجى)واخبره اننا لا يجب ان نثق فى حسن نصرالله ونسلمله كده من غير تفكير
16- اذا كنت تملك ذرة دم واحساس اتفرج على تغطية الجزيرة لاحد الحروب التالية (حرب غزة – حرب لبنان الاخيرة – حرب العراق)
17- اذا كنت رجل جاد وتقدر مهنة الكتابة والكتاب وتصنف نفسك على انك قارئ جيد اقرا لعمر طاهر – خالد الخميسى – علاء الاسوانى -
18- اذا كنت من سميعة الصدر الاعظم هيفاء وهبى (مع الاعتذار للشيعة) اسمع 5 اغانى لاحمد منيب او بحر ابوجريشة
19- اذا كنت من سميعة منيراو مارسيل خليفة او الماجدة فكل من مصطفى قمر او تامر حسنى او زيزى (حسب سنك)يفى بالغرض
ملحوظة لو كنت بتسمع فيروز خسارة تنتحر
20- اذا كنت انسان حساس وتقدر نعمة الحياة اسمع اغنيتين لهانى شاكر وتحبس وراهم باغنيتين لمصطفى كامل
21- اذا كنت مدخن بتفهم وكييف قديم دخن بوسطن او بلمونت اللى تلاقيه
22- اذا كنت من اللى خلقهم ضيق وبتتنرفز لما يحد يزودها اتفرج على حلقة كاملة منى الشاذلى
23- اذا كنت تحب المذيع خفيف الدم والبرنامج اللطيف اتفرج على معتز الدمرداش
24- اذا كنت من هواة برامج التحليل السياسى وتحب الكلام التقيل اسمع عادل امام وهو بيتكلم فى السياسة كسفير
25- اذا كنت من بتوع التهريج البايخ اخبر كمسرى الاتوبيس المزدحم انك لا تقبل العملات المعدنية
26- لو الطريق بينك وبين صنف امين الشرطة مش عمار وبتكره المخبرين اتفرج على تامر امين
27- لو عندك حساسية من فلوس العرب اللى بيدفعوها عشان يلمعوا نفسهم على قفاك اتفرج على مصطفى بكرى فى قناة الساعة
28- اذا كنت عاطل وتريد الحرية عليك واول مركب طالعة اليونان
ملحوظة اذا كنت قد تقرا هذه التدوينه فهذا معناه انك قد رايت الامريكان يدخلون بغداد وشاهدت صدام وهو يعدم فى صباح العيد الكبير ورايت القذافى وهو يسلم كل منشاته النووية ببلاش بعد ماصرف عليها ملايين لانه شاف صدام بيرقص على الحبل وطبعا شوفت قطار الصعيد والناس مشوية جواه يوم وقفة العيد وشوفت العبارة وهى بتغرق والناس بتغرق فى عز البرد ومؤكد شوفت صخرة الدويقة وطبعا شفت قانا 3 اربع مرات فى حياتك بتكرار كربونى وضرب غزة لوحدها بتاع 15 على الاقل وطبعا سمعت ان الناس قتلت بعضها على جسر الجمرات فى الحج 10 مرات فياصديقى متتعبش نفسك الطرق اللى فاتت دى مش هتقتلك بل بالعكس هتنزع اخر شوية احساس جواك
حلك يامعلم ان تحضن التوربينى حضن بشوق وهو خارج من قليوب
او تعوم فى شط هادى فى اسكندرية وتعدى البراميل 0العلامات يعنى .
عدى نفق العروبة على رجليك وبعدين اجرى فجاة ناحية القصر الجمهورى
او روح جاردن سيتى وحاول تقتحم الشارع اللى قبل السفارة الامريكية
او اقف قدام اى قسم شرطة واشتم المامور بامه
وربنا معاك

ان يساء فهمك

يقول الصينيون القدماء ان اصعب اربعة مواقف قد تمر فى حياة اى جثه بتحس
- ان تقول احبك لشخص لا يحبك
- ان تنتظر شخصا لن ياتى ابدا
- ان يساء فهمك
- ان تحاول ان تنام فلا تستطيع
و بالنسبة لى ان يساء فهمى هو اول الاشياء فى الترتيب ودون النظر للحظات التى افقد فيها القدرة عن التعبير عن نفسى وتلك التى اقع فيها تحت تاثير نظرية المؤامرة فترتسم فى وجهى او نبرة صوتى امارات تحدى مستفزة تجبر من يسمعنى انى يسئ فهمى ويزيح عن كتفى عبء خلع عباءة الخجل فى حوار لا يحتمل خجل
تبقى بعد ذلك الحالة المرعبة من سوء الفهم - الحالة التى تريد فيها ان تكون متكلما بارعا فيصمت لسانك ان تحاول ان تنظر بحنو فتخونك عيناك ويخفو منهما بريق تحبه ان تحاول ان تكون رقيقا فتتوتر اعصابك وتبدو كسفاح مثل لتوه بجثتين او ان تحاول ان تصلح كل ماحدث سابقا بقول يمسح الاثر الفائت فتقع اسيرا للعنة تاريخك فيصاب الكلام بالسكته على شفتيك ويخرج كطلقات تقتل وهنا ينتهى كل شئ ويصبح الحنو الذى اردت ان ترا اثره فى رفيقك كصفعه وقلبك الذى اردت ان تقدمه هدية مجرد قنبله وانفجرت ولن تقبل منك هدية بعدها.
الخوف من ان يساء فهمك هو مايدفعك لان تتفهم الاخرين ان تلتمس لهم عذرا لا يعرفوه فى انفسهم
خطأ لم يقصدوا فعله ولكنهم لاحقا سيتعاملون مع نتائجه مجبرين . وينتظرون رد فعل يساوى اخطائهم ويتصرفون مسبقا على اساسه
هنا ربما يعنى لى شخصيا ان التفهم هو القدرة على تقمص دور شخص اخر وتلمس موقفه والاحساس بمخاوفه- القدرة ان تخلع قلبك وتتلبس قلبه والتماس العذر له دون التورط النفسى فى استباحة منكر او انكار امر جميل حتى ولو بقلبك فقط تعرف لماذا فعل شيئا لا يبدو لاحد كشئ مبرر بل يبدو فعلا عدوانيا يجافى منطق المبادئ القويمة.
وان التسامح هو كل هذا مضافا اليه القدرة على نسيان نتائج الافعال التى قد سببت لك الالم
وكل هذا لا يبدو فى مطلقه هبة ربانية صرفة فهو فى معظمه تدريب صبور على التسامح فيما يجرح الكرامة ورقة الروح هو رياضة للنفس للعلو عن النقص وتحمل شدائد تهون بجوارها عطش وجوع الايام والم جروح البدن وهو اخيرا تبنى لموقف تود لو ياخذ تجاه افعالك الشخصية المتسرعة والغاضبة والتى جانبها الصواب
لقد خسرت اشخاصا كثيرين -ولازلت- لانى لم اتفهم خوفهم وفقرهم الروحى والمادى لم اتفهم خوفهم على كيانهم لم اتفهم كبريائهم الذى لا يقبل الهزيمة لم اتسامح مع غضبهم وجهلهم لم اتواصل مع الجزء الذى احبه بداخلهم فى لحظات فقدت فيها الاتصال مع قلبى ايضا كنت احمل كرامتى فوق جلدى لا تسلم من الهواء حتى
ولكنى الان خبئت كرامتى فى داخل قلب من يحبوننى هم فقط يعرفونها ولا يجرحونها اما الاخرون الذين لا يعرفوننى فلا يستحقون ترف التمتع بها معى
اخدت عهدا على نفسى ان اتفهم فى الاخرين خوفهم من الموت والاهانة - الخوف على الحياة - على العمل – ان اتفهم دوما انهم بشر يعيشون ربما بسقوف اقل مما املك
وسوف اسامح كل من سبب لى الما حتى لو كان لا ينسى
سوف اسامح من ظلمونى او تقولوا على
سوف اسامح من جرح كرامتى قبل ان اخبئها ممن لا يستحق
سوف اتسامح مع كل من عبر على ليجد طريقا حتى لو لم يكن يستحقه
سوف اتسامح مع كل من اساء فهمى بدون كل الاسباب السابقه
واشهدالله انى قد سامحتهم ابتغاء ان يسامحنى يوم لن استطيع ان ارد مظالم من ظلمت سائلا اياه ان يرد مظالمهم
وابتغاء ان يمسح عن صفحتى ذنوبا من فرط بؤسى نسيتها وتقصيرا لن يكمله العمر ولو طال

ليه وليه وليه وليه

معرفتش ليه دايما مصر بتتنادى على انها مؤنث وليه هى ام الدنيا وهل دا خلى كل واحد يحكمها يفتكر نفسه ابو الدنيا او ابو على على الاقلوهى لو واحده ياترى كانت رجليها حلوة ولا هو وسط البلد بس اللى جميل ؟
وبعدين كل اللى اتجوزوها سكنوا عندها ليه؟ وازاى قبلوا على نفسهم يسكنوا فى بيت حريمهم؟ ثم لماذا اصر كل حكامها غير المسيحين انهم يمشوا الشريعه المسيحية وميطلقوهاش الا لما يسيبوها ويخرجوا على ضهرهم وقالوا لا لطلاق الا لعلة الزنا واحنا حريمنا اشرف من الشرف؟
وليه رغم انهم كلهم قالوا انهم بيحبوها مكانوش بيغيروا عليها ؟ كل واحد منهم قبل مايخرج على ضهره كان يجيب عريس مراته ويسكنه معاهم؟
وليه دايما كان الشيوخ بيفتوا دايما ان ابو الدنيا من دول ممكن يجوزها لابنه بس بعد ما يموت؟ مع انه حرام فى كل دين
وهل لو اتجوزها جيمى هانبقى ولاد حرام؟
وليه كل اللى اتجوزوها اتجوزوا عليها؟
ليه اصلا قعدت مليار سنه ممتجوزش الا ناس غرب عنها ؟
واول ما قالوا نلمها على اللى من لحمها طلعوا ميتين امها؟
هل يعقل ان مصراللى مدخلتش حرب فى تاريخها الا وكسبتها متعرفش تطرد اللى اخدين حقها؟
ووهل ده له علاقه بانها معرفتش تربى عيالها وسابتهم نايمين تحت كوبرى المنيب؟
واللى فلح من الاغلبيه بيشتغلوا فى الموبايل او راكبين تكاتك والباقين بيصرفوا فلوسهم على الموبايلات؟
وليه لما عبدالناصر سجنها وساب اصحابه يقطعوا من لحمها محدش طلقها منه بالشرع وفهمه غلطه؟ قالوا انها قالت كان معجبانى وحليوة و بيحب العيال ونيته كانت حلوة
وليه لما السادات مضاها على تنازل عن القايمه والمؤخر وسابها شوليطى موليطى محدش اخدلها حقها من الورثه ؟ قالوا انها قالت انا شوفت معاه ايام كانت حلوة
وليه لما مبارك فرج عليها امة لا اله الا الله وخلى راسها فى التراب ورجليها تسند السقف للى رايح وجاى مطلبتش الخلع؟ قالوا انها قالت اصل اول مرة اتجوز موظف وانا باحب الموظفين
وسبحان الله ورثت من كل اللى ضحكوا عليها عقاراتهم واشيائهم وفرجت السياح على خيبتها وكسبت منهم؟
الف مليون ليه بتخبط جوا راسى زى مدفع كور فى ملعب اسكواش وكل ما اسافر واوصل فى المكان اللى انا اتربيت فيه
واشوف الناس بتوعى بتوع زمان

واشوف هى عملت ايه فى الناس اللى بيحبوها لله بافتكرها وتشغلنى

عالعموم الله يسامحك