حرب مصرية اثيوبية ... والنبى ضحكت وانا مش عايز

فى موقع العربية تقرير لطيف عن احتمالية قيام مصر بحرب ضد اثيوبيا انطلاقا من اراضى السودان كتبه فراج اسماعيل ولانه يشبه تقارير حرب 67 فى نوعية العرض والمقارنة بين قوة مصر واثيوبيا والسودان ورأى اسرائيلى فى التسليح المصرى لزوم التحبيش والتجييش واللعب على الحبال وخلق انجاز بالباطل لنظام عريان ملط معملش حاجة فى حياته ومش هيعمل.
وهو فى اجماله يشبه التقارير الاعلانية
والنبى يا بهوات ياللى بتكتبوا
احترموا نفسكوا بقه .. لا مصر هتحارب ولا انجازات الجيش لمبارك يد فيها لانه مرغم والا كان من زمان قاعد فى فيلا فى المملكة فى ضيافة اى حد من ولاد سعود اللى هوا فتح لهم مصر كارخانه
من حول سيناء من رمز التحرر الوطنى الى كعبة الحشاشين لا يحارب من اجل الماء بل يتفاوض حتى اخر قطرة من دم شعبه
فعظمته بيشرب ايفيان ولما بيتعور الناس هى اللى بتنزف
صباحات يا عربية

2 comments:

فاتيما Tuesday, April 27, 2010 10:21:00 AM  

كدا يا نور ؟!!



كنت عاوزة زيك أضحك
بس مقدرتش الصراحة


ايه التقرير المغرض دا ؟؟

دا فيه كمية
تحريض رهييييب على مصر
معرفش جابوه منين ؟؟


دحنا مفيناش نفس
عشان نتفاوض بذمة ..
يبقى عنحارب؟!!!

و بعدين
ايه كم المعلومات التفصيلية دى
بغض النظر عن صحتها من عدمه ؟؟



كدا يقوموا علينا
اللى ما تتسمى
اثيوبيا
و اللى تنمحى من ع الخريطة
اسرائيل
فى نوبة واحدة
و يسمعونا كلام ميصحش
و يتعبلنا نفسوياتنا
و احنا من اول الموال دا ساكتين
و حاطين لساننا ف بوقنا
مفتحنهوش
و قولنا بم



بس نفسى اعرف
ليه دلوقتى
و بمناسبة ايه؟؟



واوشكت أضحك
و لو ضحك كالبكا
على قول الأخ المتنبى


بس حتى دى
يا مالك الاجنحة
معرفتش أعملها



و بعدين بقى ف العالم دول
اللى خلونا بقينا ملطشة
للى يسوى و اللى ميسواش ؟!!


ادعى عليهم بإيه بس
و هما فيهم كل العبر ؟!!!!



أقولك عشان حرقة الدم
اللى ع الصبح دى
اقول أحسن حاجة
ينفع تتقال
و متزعلشى


صباح الخير عليك
و كفى

الكلمة نور Wednesday, April 28, 2010 1:47:00 AM  

صباح الفل مع انها بالليل
يا ستى اضحكى
ماهى نكتة والله
دبابات مين وطيارات ايه وصاقعة فى احراش وترتيب عالمى
والنبى حاجة تضحك
اهو حاجة تبقى جنب مترو الانفاق والكبارى
صباحك لذيذ مرة تانية

Popular Posts

عالماشى

لا ترهبوا طرق الهداية أن خلت من عابريها
ولا تأمنوا طرق الفساد و إن تزاحم سالكوها ..
عبد الرحمن الشرقاوى

زوار

Followers

Total Pageviews