سنمتحن فى دمائنا

فى اول مرة يمارس فيها الانسان القتل كان اخوه الضحية وفقد ادم النبى ابنه
وفطر ابن نوح قلب ابيه بكفره
وتوسط ابراهيم لابيه فكادت الغضبة ان تناله
واتاه امر بذبح ابنه ليكتمل اختباره
ويوسف القاه اشقاء قلبه فى الجب فاختبر بفعلتهم نبيين يعقوب ويوسف
وفى اول مرة توسط نبى عند الله ليمنح النبوة لاخيه كان موسى وصار هارون نبيا
وفى عائلة كريمة وسمت امراءة كريمة بشرفها لانها انجبت نبيا بغير اب معروف
وكان العم بئس العدو لسيدى محمد عليه الصلاة والسلام
ومات ابناءه الذكور اطفالا
وصارت سنة كونية ان نمتحن فى دمائنا
وان المقربين هم اصحاب الابتلاء
اصبروا

2 comments:

فاتيما Friday, April 30, 2010 1:28:00 AM  

و يعنى الألم و شدته
هتكون ازاى قوية
و عظيمة كدا يا نور
غير لما تقترن بالمقربين
و من هم فى دمائنا ؟!!


الغرباء لا يؤثرون فينا
بشكل عميق
و أذاهم فى الغالب
بيتلاشى بسهولة


تعرف بقى
ساعات احسن ان الألم دا درجات سلم
كلما خطوت نحو الأعلى
كلما زادت مكانتك انت أيضا
و تشوف المنظر من فوق أشمل
و افضل

اما ارغى معاك شوية


قريت مرة جملة
بيتسائل فيها الكاتب
ليه ربنا مش بيستجبلنا
من اول مرة ؟؟

ليه بيسيبنا
نتعذب من الحرمان ؟؟

يا ترى بيكرهنا
و لا احنا وحشين قوى
و منستاهلش للدرجة دى ؟؟

طب ما ناس كتير
بتكون كويسة قوى
و طيبة قوى
و متستاهلش العذاب
و بتدعيله
ليه مبيجاوبش ؟؟

دور على اجابة
و توصل لمعنى رائع

ربنا بيخلينا نتعذب
عشان ننور من جوانا
و نبدد العتمة
و سواد القلب و الروح ...

عذاب انتظار الفرج
و بلع الإلآم
و محاولة تحملها
و الإستقواء على الضعف و الهوان
بتخلينا أصفى
و أروق
و اكثر شفافية ...


بينما لو مش سبحانه
بيحبنا هيخلينا ندعى
و يستجيب من اول مرة
عشان ميسمعناش تانى
و يسيبنا من جوا غامقين
مقفولين واخدين قلم فى روحنا
مبنفكرش فى رحمته كتير
و عذاب الآخرين كتير
و لا نحس ببعض



المحنة فيها نعمة
بس ينفخ فى صورتنا ربنا
و ندركها



يمكن بندركها
فى الغالب متأخراً

لكنها رحمة من ربنا
ان لسه فينا عقل ندركها
و نحتويها و نقول بعدها
يا رب

احييك يا مالك الاجنحة
و ابقى فكرنى لما نتقابل إن شاء الله
فى أى لقاء تدوينى
إنى أعاين الجناحات دى
و اشوف جايبها منين ؟؟
عشان عاوزة جوز انا روخرا
إشمعنى إنتوا ؟!!!

تحياتى و احتراماتى يا نور

الكلمة نور Friday, April 30, 2010 1:54:00 AM  

فاتيما
يؤثر فينا الغرباء
حينما تنتفى عنهم تلك الصفة ويصبحون منا
ولكن محنتنا فيمن يملكون نفس دمنا
ربما غيابهم
اوغدرهم
ولامبالاتهم احيانا اخرى
اما لماذا لا يستجاب للدعوات
فهو تفسير جميل
وبين لام جميل وما تقراينه كتبت ومسحت عدة مرات
فانا حين يفاجئنى شيئا ما فلا استطيع طرح مافى راسى
ولكنى اقبل هذا التفسير مع ان العلم ان الصبر على البلاء يخلق ذلة فى القلب مطلوبة لاكتمال الايمان
وهناك حديث صحيح ان شاء الله لا اذكر نصه يتحدث عن ان افضل المؤمنين هم
كل ضعيف متضعف
لو اقسم على الله لابره-
على كل حال يتساوى التفسيرين وكلاهما مريح

____
بالنسبة للاجنحة الموجود منها صينى دلوقتى اليابانى خلص :)

خالص تحياتى لك

Popular Posts

عالماشى

لا ترهبوا طرق الهداية أن خلت من عابريها
ولا تأمنوا طرق الفساد و إن تزاحم سالكوها ..
عبد الرحمن الشرقاوى

زوار

Followers

Total Pageviews