قضائها عادل

ممدوح اسماعيل صاحب العبارة اللى غرق فيها 1000 نفس بشرية اتحكم عليه بسبع سنين بعد سنتين من نظر القضية
ومحامى اتخانق مع مدير نيابة طنطا اتحكم عليه بخمس سنين بعد اربع ايام من المشكلة فقط لا غير
صحيح مصر محصنة بقضائها العادل

3 comments:

Cardiology Man Thursday, June 10, 2010 12:37:00 AM  

يا سيدي مافرقتش
عادل ولا رمزي ....الاتنين ولاد عم

الكلمة نور Thursday, June 10, 2010 1:09:00 AM  

طب بيذلونا ليه؟
طالما هو رمزى مش عادل
وكا نتكلم يقولك لا تعليق
قضاء مصر نزيه
تصور
طلع نزيه

Cardiology Man Thursday, June 10, 2010 1:54:00 AM  

يا سيدي ما تزعلش نفسك قوي كده،

الحكاية وما فيها إنه زي ما انت عارف فيه قانون يمنع انتقاد أحكام القضاء، ده أولاً، علشان كده ما حدش بينتقد.

ثانياً: انت عايزهم يقولوا لك إيه، القضاء بتاعنا غشيم ولا بيدور على الحق ولا بيوجع دماغه، وفيه تمشية حال وفيه مجاملات وفيه فساد زي الفساد الموجود في الهوا والمية وكل حاجة في البلد دي؟ لو قالوا كده المسألة حتبقى ميغة، ويبقى كل واحد من الأول عارف إنه مش هايقدر ياخد حقه غير بدراعه لو مالوش نفوذ أو واسطة، لأ هما سايبين للغلبان باب موارب علشان يلجأ ليه لما يتظلم أو يتنهب حقه، أي نعم السكة دي حبالها طويلة، بس الغلبان بيبقى عنده أمل إنه هياخد حقه في الآخر، والقضاء العادل هينصفه، وحتى لو قاضي أول درجة ما رجعلوش حقوقه لسه فيه استئناف، وأيام تعدي وسنين ويكون صاحب الحق نسي أصلاً هو كان عايز إيه، وتكون أمله في حقه انطفا بالتدريج مع الوقت، والموضوع كله انتهى في سلام. لا الغلبان ثار وقام وقال حقي بدراعي، ولا انقهر واتشل من أول ما شاف حقه بتاخد منه، الحكاية كلها تخفيف للصدمة على أمل مؤجل.

الله يرحم السادات اللي قال كلمته المشهورة:
كله بالقانون وسيادة القانون

Popular Posts

عالماشى

لا ترهبوا طرق الهداية أن خلت من عابريها
ولا تأمنوا طرق الفساد و إن تزاحم سالكوها ..
عبد الرحمن الشرقاوى

زوار

Followers

Total Pageviews