الرحمة

فى حاجة فى مصر مالهاش تفسير حتى لو عملت فيها خبير وفتحت ابن كثير او سوقت العبط وعملت فيها الشيخ سيد بتاع الاحلام وفتحت ابن سيرين هو احنا ازاى بنقدر نكون الشئ وضده بمنتهى السهولة ومن غير تفكير

يعنى انفلونزا الخنازير فى العالم وقربت تبقى وباء طيب نعمل ايه

خلاص نعدم الخنازير اللى عندنا ونخلص منها واللى بيشتريها يبقى يشتريها مجمدة مش هتروح فى الزبالة

يقولك لا اصل الخنازير طلع لها دين دى قبطية وكدا يبقى لا مينفعش

الموضوع هيبقى فى حساسيات

تلاقى ناس يقولك لا دول هليبسونا العمة وهما اللى قاصدين عشان يقضوا علي تريتها من مصر

يامعلمين مش كل حاجة بالعقل؟!

صحيح احنا فى نظام بوليسى وشمولى وكل الحاجات التى لو لزقت فى واحد تنقله من قلب الجنه للدرك الاسفل فى جهنم من غير اسانسير هى المعارضة تبقى كدا مش العقل زينه ولا على راى المثل "قاله يا ابا علمنى الهيافة قاله تعالى فى الهايفة واتصدر" دا حتى الناس علقها اتلخبط معادتش بتعرف تفرق بين الصح والغلط

ماهو لما انفلونوزا الطيور دخلت مصر الحكومة بقت ناقص تلم الفراخ من ايد الناس صحيح كان لازم تعوضهم

بس رغم الاجبار والعنف فشلت كل خططها الجبارة ومخططاتها المقريزية العلوية وبقت انفلونزا الطيور شبه متوطنة معانا فى البلد

بعد ما كنا مجاورين البلهارسيا والكبد والكلى هلت عليهم الانفلونزا كمان

متسيبوهم يخلصونا من الخنازير بلا فتنة بلا نيله بلا زفت اسود

ولان احنا عشريين فواضح اننا هنلم علينا دبان الدنيا ونقعد بقى اللى يفوت من الكبد والكلى

يلبس فى الانفلونزا

واللى يخلع من الانفلونزا ينصب عليه واحد وياخد فلوسه واللى معندوش فلوس وصحته كويسة هيتخنق ويعمل مصيبة ويروح يقعد فى ليبيا واللى يتقى ربنا ومعندوش حاجة من اللى عدا هليبسوه فى تنظيم الشقق المتاجرة ويبقى خلية ان شالله لو كان لوحده

واللى هيفيض من الناس اللى ساكنين فى مصر نصهم هيدخل لجنه السياسات والنص التانى هيفتحوله جرايد معارضة

وطبعا لولا ان سب الدين حرام كان الواحد سجله شرايط ورميته على الناس فى الشوارع

او ابقى سيد ابو حفيظة واخبط الناس كل يوم بوسة قبل النوم بعد ما اشتغلهم ربع ساعة كل يوم

وسلام مربع لمصر الخالية من الاوبئة والفتن