الخروج من الحيط

فليكن ما يكون , ماضر المصارحة؟ لا شئ الا الغرور
انا عالق فى منتصف المسيرة بين ما اريد وبين الواقع و يبدو وجهى وانا اقول هذا كرجل يعصر ليمونة باسنانه لا لأنه صعب ولكن لأنى رجل لا يحب الاعتراف لنفسه او للاخرين ادلس على الحقيقة احب ان ابدو قويا طول الوقت اتهرب من انسانيتى لانى لا اتحمل نظرات الشفقة فاظل اسخر طوال الوقت واقتسم الدخان والضحكات مع الاصدقاء والرفقاء واذا ماحانت لحظة الجد فليكن وقتا للوحدة . وليست الوحدة لانى فقط اريد ان اتخلص من انسانيتى ولكن لانى احب الشاى بحليب باقل قدر من الحليب ولانى ايضا احب دخول الحمام والباب مفتوح ولا اخشى ان يطير الحمام ولانى اوزع بعض السجائر فى الحجرات الشاغرة بشقتى لاجدها وقت ان تنفد العلب الكاملة والاموال ايضا وربما ايضا لا احب ان يسالنى احد السؤال الجهنمى " ايه اخبارك النهاردة" ولابد ان اول رجل سأل هذا السؤال كانت امه تقف بجوار الميكروويف وهى تحمله او اى شيطان اخر يجعل جيناته تشبه جينات الحمار وكل هذا لا يهم المهم انى منتصف المسيرة .
وروحى التى عرفتها طوال 31 عاما تمردت علي وتبدو لى كمن يرفض اطاعة الاوامر فلنتجاوز كبريائى المجروح من فشل السيطرة ولنقدم على جديد كأن نحرك الرخ فى دور شطرنج ممتد لنعيد السيطرة على الرقعة ونعيد الكبرياء ايضا
فلتسمعى اذا من رجل يعرف معنى السعادة لانه اختبرها ويعى تماما معنى يصيب اليأس رجلا ولم يدخر جهدا لتمر عليه عواصف الاحباط وهو لازال رجلا وهو فى هذه اللحظه يوتره ان يقفز قلبه فرقا من مواجهتك ويواجه لسع الناموس بمنتهى الشجاعة ان ما اصابنى ما كان ليخطئنى وان لكل لحظة الم ان قوبلت بالحمد جزاءا يوم ان تعودى لمن تحبى ان تقفى امامه بغير جزع وان الحياة وان استمرت مائة عام لم تكن لتساوى لحظة سعادة حقة فإن كنتى لا تقدريها فانت لا تستحقينها ولكن يكفيكى زيارة لقسم الطوارئ فى مستشفى عام لتعرفى معنى الحياة حين تصنع اللحظة فرقا .
ولنخرج من كل هذا اصدقاء نجهز غداء نستحقه ونتحمم بماء فاتر ونهاتف صديقا لنقابله فى فى وسط البلد ونذهب لنشاهد فيلما راقيا وربما يصبنا قليل من حظ فنقضى باقى الامسية فى المقهى نتبادل النكات وحين نعود نفكر ماذا سيكون الغد ربما يأتى حلما ننتظره او قد نلمح باب الحياة مواربا فنعبر منه لحياة افضل.

8 comments:

أليس في بلاد العجائب Wednesday, May 27, 2009 10:36:00 PM  

مش لازم يوصل لحد المستشفي

ومش لازم يشوف برامج زي الجزء الاول من واحد من الناس بتاع عمرو الليثي اللي بيجيب فيه ناس عايشة ب42 جنية اسرة كاملة في الشهر ولا اللي من غير لا مية ولا مجاري ولا حتي لقمة عيش ناشفة

ومش لازم يبص علي الناس اللي بتطلع اكلها من الزبالة علشان يحمد ربنا علي نعمه

كفاية بس افتكر لحظة الم من برد ولا حتي اتلسعت فيها من حاجة سخنة وقلت الحمد لله وقتها وقلت يارب انت الشافي

وقت الالم بنكون اضعف ما يكون و اول واخر حاجة بنقولها يارب
واول ما ربنا المجيب يردلنا حبة من صحتنا وعافيتنا
اول حاجة بنعملها التجبر بدل الشكر
وباشكال كتيرة

دعوتك للنظر لاي استقبال طواريء في اي مستشفي تستحق التقدير وتستحق التفعيل لاي حد شايف ان مصيبته اكبر مصيبة حصلت وهتحصل

مهما بلغ الالم والمرض والابتلاء .. اكيد انت احسن من غيرك وفي غيرك اللي حاله اسوء منك .. ربنا اسمه العدل
زي ما ادالك وادي غيرك .. اخد منك واخد من غيرك
وكله بالعدل .. السعادة والحزن متقسمين بين بني ادم بالتساوي لا حد هيفرح اكتر من حد ولا حد هيحزن اكتر من حد

بس ندور علي نعم ربنا حولينا و نعدها ونتدبرها قبل ما نشوف اللي جنبنا معاه ايه و جاله ايه

الجزء قبل الاخير جميل جداااااا .. صدق رسول الله صلي الله عليه وسلم
ما اصابك لم يكن ليخطأك وما أخطأك لم يكن ليصيبك

الكلمة نور Thursday, May 28, 2009 1:04:00 AM  

"قتل الانسان ما اكفره"

Jannah Thursday, May 28, 2009 12:29:00 PM  

الحمد لله الحمد لله الحمد لله
لو عرفنا و فهمنا ما هي الحياة فعلا و لو شكرنا على كل شيء كان حالتنا النفسية على الأقل غيرر
مشكورة يا اليس على كلامك

الكلمة نور Thursday, May 28, 2009 12:52:00 PM  

الحمدلله
ان التعالى على الحياة ووضعها فى حجمها هو امر يحتاج لرياضة للنفس لا اظننى اقدر عليها الان
وان كنت سأحاول البدء قريبا

عمرو Thursday, May 28, 2009 1:43:00 PM  

تقبل الحياه بكل ما فيها يحتاج لترويض كبير من النفس و بيستلزم اٍراده صلبه و تعود من الاٍنسان على تقبل الواقع و التعامل معه ..
تقبل تحياتى و تقديرى ..

الكلمة نور Thursday, May 28, 2009 4:38:00 PM  

هناك نوعان من النصائح
نوع جارح تعافه النفس وان كان سليم
والنوع الاخر هو نصيحتك
فشكرا لنصيحتك و لتقديرك ولك منى تقدير يفوقه

أحمد عاطف Friday, May 29, 2009 1:26:00 AM  

يبدو اني مش لوحدي في حالة اختناق حياتي في بلدنا المنحوسة - ومسموح لك تزود نقطة تحت الحاء في كلمة المنحوسة - انا اول مرة ازور مدونتك وكان عندي مشكلة في الدخول عليها حتى اكتشفت ان المشكلة من نظام التشغيل

وعشان خاطرك بس نزلت ويندوز جديد

بجد اسلوبك في عرض الاختناق مبكي مصيب بالاختناق من الوضع

على فكرة انا رجعت طيران وسيبتهم مستنيين في السلوم

تحياتي ليك

الكلمة نور Friday, May 29, 2009 3:32:00 AM  

بس ايه رايك مش استاهل ويندوز
:)
شكرا يا احمد لذوقك

بس هو ايه موضوع السلوم والطيران اوعى يكون افشه وانا مش فاهمها

لك تحياتى

Popular Posts

عالماشى

لا ترهبوا طرق الهداية أن خلت من عابريها
ولا تأمنوا طرق الفساد و إن تزاحم سالكوها ..
عبد الرحمن الشرقاوى

زوار

Followers

Total Pageviews