عمرو دياب -ابوعبدالله- ونظرية ان الانسان توكتوك نفسه

يأبى السيد عمرو دياب الا ان يثبت ما اثبته سيد ابوشوارب الفحل عالم صفط اللبن المشهور , ذلك الفذ صاحب النظرية الالمعية التى ما ان توضع فى كتاب حتى يصبح الاعلى مبيعا فى موقع امازون ومكتبة ترعة الزمر الثقافية وهى نظرية
الانسان اصله توك توك
داخ العالم سيد ايو شوارب فى صفط وكرداسة الى ارض اللواء وابوقتاتة لاثبات نظريته الشهيرة فلم يقدر تعب فؤاده وكلت اقدامه
الى ان اراحه العمرو دياب من تعب المشاوير واهداه الدليل
كان الدليل متأخرا ولكن ان يأتى متأخرا خير من الا يأتى ابدا
عمرو الذى قارب من العمر خمسين وربما زاد يستعد لطرح سى دى جديد ولان هناك سى دى فحتما هناك بوستر
وسأل نفسه ماذا يفعل
فلم يعرف فقد استنفذ كل الافكار فوجود نداء فطرته الزكية وما ارتاحت اليه نفسه الذكية وهو ان يذكر احب الاشخاص الى قلبه ولان موضه الكتابة على الحائط قد ولت واصبح لكل انسان فى مصر توكتوك يكتب عليه ما يشاء وربما يشهر عليه علما ايضا ويجمله بريشة طويلة ولان عمرو دياب يعرف ارقى من يملك توك توك فقد طور نظرية العالم سيد ابوشوارب وادعى انها نظريته وقال قولته الشهيرة
الانسان توك توك نفسه
وبالتالى فإنه باستطاعته ان يكتب مايشاء على جسمه مره على كتفه انه ابوعبدالله ومرة على ظهره ليثبت ان الحلوة كيداهم ومرة اخرى ربما يكون قد كتبها فى مكان خفى ان الشطارة لو بالسرعة مكانش حد سبقنى
ليثبت ان لا احد يسبق عمرو دياب الا فى السن فهذا الرجل تفتح وعيى على الدنيا وانا اراه يغنى وهو فى طور الشباب وظللت اكبر فى السن وهو ثابت لا يتزحزح الى ان ذهبت ايام مراهقتى وشبابى وبدأت ايام الرجولة لاكتشف انه يصغر يصغر فى ما يبدو الى ما لانهاية
لدرجة انه يرتدى بنطالا ساقطا سقوط النيزك على الارض وسقوط الطالب فى الاختبار مخلفا ورائه خيبه امل عظيمة وجزء لا يستهان به من ملابسه الداخلية(خيبة الامل لسقوط الاختبار وكشف الملابس الداخلية للبنطال) ليثبت لى ان الصعايدة حينما اطلقوا على تماثيل الفراعنة لفظ مساخيط لم يكونوا يهزؤن بل كانوا يوصفون فقد وجدوا الفراعنة وقد اختفوا وتركوا اثارا من حجارة صغيرة ليظنوا انهم سخطوا الى حجارة
هذا تفسير للسخطة يبدو صعبا وانا رجل بسيط لا قبل لى بتفسيرات معاجم اللغة العربية لذلك استغنى عنها بتفسير جدتى رحمها الله عن السخطة حينما قالت لى وانا صغير لو كدبت ربنا هيزعل منك ويسخطك قرد
رحم الله جدتى
فهى لو رأت رجل فى الخمسين من عمره يكتب اسم ابنه على كتفه ويلبس بنطالا معلق على طرف مؤخرته ليبدى ما لا يبديه الرجل لعلمت ان السخطة احيانا تكون اختيارية.

16 comments:

A.SAMIR Wednesday, June 24, 2009 1:27:00 PM  

لا نملك الا ان ندعو له بالشفاء العاجل و احترام سنه

الكلمة نور Wednesday, June 24, 2009 1:39:00 PM  

على قولك
يللا يشفى الكلاب ويضره

حواء Wednesday, June 24, 2009 3:16:00 PM  

لاحول ولا قوة إلا بالله
ايه ده
لعن الله الواشمه والمستوشمه
وينطبقي هذا علي الرجال والنساء
ولانه مسلم ياريت ندعيله بالهدايه
وخلينا دايما لما نشوف واحد عاصي نفتكر رابعه العدويه
وكمان نفتكر المهدي المنتظر لانه هيكون انسان عاصي وربنا هيهديه
لذلك سمي المهدي من الهدي اللي هيمن عليه بييه رب العزه
وافتكر ان الشيخ محمد حسين يعقوب تعقيبا علي هذا الكلام في شريطه المهدي المنتظر اننا لابد ان لا نسخر من اي عاصي عسي ان يكون في يوم من الايام افضل مننا مكانة عند رب العباد

بس انا لما قولت سنه خمسين سنه اتخضيت
ده بيصغر فعلا
انا كمان كنت طفله لااتعدي 5 سنوات وعمرو دياب كان في اواخر العشرينات
يعني بالميت قارب علي نهاية الاربعينات
ومعه مصطفي قمر
ومعه ايهاب توفيق
ومعه محمد فؤاد
نفسي افهم ايه سر الخلطه وانا اخدها من بكره


تحياتي

الكلمة نور Wednesday, June 24, 2009 3:36:00 PM  

ربنا يهديه ويهدينا ويتوب عليه وعلينا
ويكتبلنا جميعا حسن الختام
ماهو موضوع السن ده اللى مجننى
:D

المهندس Wednesday, June 24, 2009 5:05:00 PM  

الاخ / الكلمة نور
اولا : شكرا علي ردك الرقيق علي تعليقي في البوست السابق ... واتمني ان تكون اعصابك هدأت بعض الشئ ... انا ايضا ظل دمي يغلي اياما عدة بعد موقف مشابه علي صفحات تلك المدونة
ثانيا : موضوع سن عمرو دياب اكبر مما تعتقد ... فهو ظهر " كنجم " علي الساحة تقريبا في عام 82 بالبوم " هلا يا هلا " وقبلها كانت له عدة محاولات طويلة ... منذ بدايته في مدينة " بور سعيد " وبافتراض ان عمره كان في المتوسط 25 عاما عند ظهوره ... فعمره الان يتعدي ال 55 عاما علي الاقل
ثالثا : لكن لي تعقيب بسيط .. الا تعتقد ان عمرو دياب بالذي يفعله ... ينال استحسان جمهور الشباب ... اما طبعا لا ارضي ان يفعل النجم اشياء غير " لائقة " من اجل الجمهور .... ولكن لعلك لاحظت ان هناك تباري في خلع الملابس يجري منذ العامين بين المطربين ... ولعلك تتذكر تامر حسني تقريبا ترك القميص مفتوح .... فرد عليه عمرو دياب ببوستر ... عاري الصدر تماما ... فاحمد الله انه ارتدي تي شيرت هذة المرة... والا لو استمرت المبارة ... لكنا وصلنا الي مالا يحمد عقباه
رابعا : هناك نقطة هامة ... وياليت الجميع يضعها تحت المنظار ... وهو ان " عمرو دياب " و " عادل الامام " ... مهما بلغت درجة اختلافك معهما ... لابد وان تعترف انهما يملكان سر مدهشا من استمرارهما كبطل اوحد " كل في مجاله " ... وهو ما يعطيك فكرة عن مفهوم النجومية عند الاخرين ... الذين يكتفون بما حققوا ويبدأوا في " الرحرحة " ... وعد النقود
شكرا ... والسلام عليكم

الكلمة نور Wednesday, June 24, 2009 5:56:00 PM  

نجم على عينى وراسى
عارف ازاى يكسب الشباب فى صفه
حقه محدش يقدر يناقشه
بس كدا كتير
البنطلون هيقع منه يا هندسة وهتبقى فضيحة
وكاتب اسم ابنه ليه؟
هيتوه
:D

عبد العزيز عامر Wednesday, June 24, 2009 5:57:00 PM  

عمرو دياب سنه 47 سنة ما وصلش الخمسين لسا ومش شايف مشكلة لو سنه 50 سنة او 60 سنة حتي....الغناء مالوش عمر واللي بيحكم حب الناس وصوت المطرب وهل هو لازال محافظ علي صوته ولا لسا .. وهو لازال محافظ بل وكل ما سنه كبر اصبح افضل واروع واكثر جمال ونضج..وعباقرة الغناء رحلوا وهما كانوا لسا بيغنوا ماعتزلوش

أليس في بلاد العجائب Wednesday, June 24, 2009 6:01:00 PM  

السلام عليكم ورحمة الله وبركاته

لو ينفع ارد علي كلام حواء بس علشان متقولش عليها غواية نصح

مش يمكن ربنا عامل كده علشان يفتنوا بيه؟؟

ليه محدش فكر انه بكده فتنة
لان اللي بيتبعوه كتير اوي بالالوف
شباب ميغيبة عقولهم بيقلدوه لمجرد انه قلع ولا لبس تاني يوم تلاقي الشارع كله لابس زيه و عامل شعره زيه

معرفش ليه فكرت فيها دلوقتي بس كده .. بس كلام حواء خلاني اشوفه فتنة للناس

اكيد ربنا اداله الشكل دا و اخد منه قصاده حاجة تانية لها نفس الاهمية بس عند حد تاني موجودة و مش حاسس بيها

الله احد اسمائه العدل و هو عادل في ارزاقه و لكن اختلفت انواع واشكال الارزاق فحار الناس من منهم

ربنا يهدينا ويحسن خاتمتنا و نعوذ به من فتنة المحيا و الممات

الكلمة نور Wednesday, June 24, 2009 6:56:00 PM  

عبدالعزيز
يغنى يا باشا زى ماهو عايز
انشالله لغاية ما يبقى 100 سنه
بس يرفع البنطلون شوية سايق عليه حبيبه النبى بلاش عشان كدا مش حلو

وشكرا للزيارة

الكلمة نور Wednesday, June 24, 2009 6:59:00 PM  

اليس
انا اسف اذا كنت متجنى فى حقك انتى وحواء شوية بسبب موضوع النصح بس انا هابقى اقول انا اسف ليه بس فى تدوينة قريبة
دا بالنسبة لموضوع غواية النصح

وبالنسبة لباقى الموضوع احب اقول ونعم بالله
وامين يا رب العالمين

أليس في بلاد العجائب Wednesday, June 24, 2009 7:55:00 PM  

من فضلك لا تتأسف

انا عارفة اني ساعات الكلام بياخدني بدون قصد و اكيد مش كل الناس بتستحمل دا

حقك ومكانش قصدي اعلق علي غواية نصح بس قلت احتياطي اقولها في الاول لحسن الاقي نفسي بقول حاجة يكون دا الرد عليها

بس عموما الدين النصيحة دا حديث صحيح :)

لا مفر يعني وصدقني بقيت بحاول اخد بالي اوي

لو فلتت المرة دي مش هتفلت اللي بعدها ان شاء الله

اعتبره اقلاع عن ادمان الاسترسال في الكلام عند ادخال كلمة السر

الكلمة نور Wednesday, June 24, 2009 8:42:00 PM  

:))

الكلمة نور Friday, June 26, 2009 10:19:00 AM  

مفهوم يا برنس
شكرا

Bola 7elmi Sunday, June 28, 2009 12:03:00 AM  

بس يرفع البنطلون شوية سايق عليه حبيبه النبى بلاش عشان كدا مش حلو

هههههههههههههههههه << انت مش متابع الموضه ولا ايه :|
الموضه اليومين دول كدا ..
مش عارفه الموضه الجايه هتوصل لإيه << ربنا يسنر على عبيدوو
بس عادي بقى تيك ات ايزي يا عزيزي
و اييييييييييييه دنيا :))

Bola 7elmi Sunday, June 28, 2009 12:05:00 AM  

و سياسه الموضه المتبعه .. زي م فـ الصوره تمام
اليك لينك الصوره

http://1.bp.blogspot.com/_t7tYlZaUueA/SjA-LwzDLZI/AAAAAAAAAhw/mToF7qPjyy0/s1600-h/%D9%87%D9%87%D9%87%D9%87%D9%87%D9%87%D9%87%D9%87%D9%87%D9%87%D9%87%D9%87%D9%87%D9%87%D9%87%D9%87%D9%87.gif


وسلااااااااااااااااامي ليك :)

الكلمة نور Sunday, June 28, 2009 1:06:00 AM  

بولا
لا متابع بس لما عيل صغير ينزل بنطلونه
نقول شاب وبكرا يعقل
انما دا نقوله ايه؟
حلوة صورة تطور الموضة دى
شكرا يا بولا

Popular Posts

عالماشى

لا ترهبوا طرق الهداية أن خلت من عابريها
ولا تأمنوا طرق الفساد و إن تزاحم سالكوها ..
عبد الرحمن الشرقاوى

زوار

Followers

Total Pageviews