فى مديح الشتاء وشرفتى الاولى

كنت اود ان احكى عن نسائى ولكنى اؤجل هذا للمرة المليون لتنضم لخمسة عشر الف امرا اخر مؤجل حتى اشعار اخر
وحتى يأتى هذا الاشعار فسوف اسرد معاناتى مع الصيف, ليس لانى لا سمح الله اكرهه فهذا احتمال غير وراد على الاقل من ناحيتى فليس طبيعيا ان اكره حوت العنبر لانه يستطع ان يبتلع مركبا ولا يمكن ان الوم فيلا افريقيا لقذارة اقدامه ولا زرافة لانها تنظر للعالم باستعلاء , فهذه طبائع الاشياء وليس لعاقل ان يلوم امرأة لانها تبكى فرحا او حزنا على حد سواء وعلى ذلك فليس لى ان الوم الصيف لان شمسه تصحو متأخره وتأخذ بعضا من وقت ليل ليصبح اقصر, ليس لى ان الوم الارض لانها تميل ناحية الشمس قليلا وتتركنا لنحترق من الصباح حتى يقترب كل يوم من نهايته .لست اكره الصيف فهكذا خلق -بضم الخاء- ولكنى ولوع بالشتاء والليل فاذا كان الليل شتويا فليذهب ما دون المتر الذى اقف فيه وقتها الى الجحيم و ليتكثف العالم فى هذا المتر
احبائى ,كتبى ,موسيقى احبها وشوارعى الخالية مغسولة بالمطر يستحق الكون فى تلك اللحظة مائة درجة من عشرة وليمسى كاملا بلا نقص ,يشوب سمائه حمرة تبشر بالمطر ,يهب هوائه نظيفا برائحة الماء
انتظره من وقت بدء الخريف, اتلصص فى الشرفات على اتجاه الشمال الغربى منتظرا اول سحابة ثقيلة واول هبة ريح باردة ,مستبشرا بأول فوج من الطيور المهاجرة للدفء, تعلمت هذا فى مدينتى الساحلية عرفت الاتجاهات الاصلية من وضع النجوم علمنى خال كان يهوى الصيد وكانت شرفتنا اول مرصد اعرفه ,وفى اى مكان حللت فيه بعد هجرتى لشرفتنا حددت القبلة ودعوت لخالى . وكل عام اعود لاقضى وقت ولو كان قصير بين النصف الاخير من سبتمبر والاول من اكتوبر اتلصص . ومن وقت ان بدأ التيه منذ ثلاث عشرة عاما وحيثما ذهبت فإنى ابحث اول ما ابحث عن شرفة وانظر للسماء ولا يشعرنى بالغربة الا بيت بلا شرفة او لا يرى السماء . ويفاجئنى دوما انى حين اعود ان اشم رائحة البحر وهو على بعد كيلوات ... يقول قاهرى غبى ليس للبحر رائحة , لا اهتم كثيرا بالشرح فالفل لا يفسر لونه لكفيف ولا يشرح الرائحة الا رائحة .ومن يستطع فقط ان يصف اول قبلة هو فقط من سيعرف رائحة البحر فالشبه بينهما يندر حدوثه فى الكون.
فلتغفر لى اذن ايها الصيف غضبى عليك فأنت تقتلنى ولست ابالى بغضب من يمرحون فيك ويسبحون فأنا اسبح فى الخريف حين يخلو عن البحر زحام يغضبه وامرح تحت المطر وأنت تجلعنى اشبه بقلة تخر ماء من جميع النواحى وتجعلنى اقتتل لاركب تاكسيا حتى لو كانت الساعة الثالثة صباحا وانت تخلى المقاهى من السحلب المكار ومن سحلبها اميز المقاهى J , ولتغفر لى امى وشرفتى الاولى غيابى الاختيارى فقد تعلمت ان السفر الدائم يشعل فى القلب الحرائق ويبقى قلبى متيقظا لا يقتله الملل ولتغفر لى يا شتائى الساحلى الرقيق فلولا حر القاهرة لم اقطع مئات الكيلوات فى خريف كل عام لاتلصص على مجيئك .
وليرحم الله الرجل الذى علمنى انتظار النوات والنظر للنجوم فى السماء لأعرف اين انا فى الارض.

34 comments:

حواء Saturday, June 27, 2009 8:42:00 AM  

ايه ده
نسائي مره واحده
احكي ياشهرايار
بس نصيحه متزعلش من التعليقات
او النقد

بخصوص الصيف بقي
في حد في الدنيا مش بيشم ريحة البحر
ديه مركه مسجله علي كل المدن الساحليه


عجبني التشبيه الخاص بالقله اوي


لو ربنا يهدي عليا صبرني يارب وتاخدني معاها مره وهي رايحه تصتاد
يبقي فل اوي


ادعي معايا بقي ان ربنا يمن عليا السنه ديه بالزياره الي مدينه العريش كم اعشقها واعشق مائها وهدوئها واهلها

بوست فيه مشاعر اكتر من اي حاجه تانيه

sara rabie Saturday, June 27, 2009 11:00:00 AM  

الشتاء
روح
تسحبك لتحت وفوق ولتحت وفوق

موجه لعبية
:)
التدوينة رائعه..ربما لانى مثلك

..
اما عن القاهرى الغبى ورائحة البحر
فهو اكييييد يعانى من التهاب فى الجيوب الانفية

لان رائحة البحر مخترررررررررقة لكل حاجز


ليس كمثلها رائحة
:))

افتقدها..تصدق

الكلمة نور Saturday, June 27, 2009 3:46:00 PM  

حواء

لا مبزعلش نقد مين دا كمان اللى يزعلنى معاش ولا كان

طيب تعرفى ان ريحة بحر الشتا غير ريحة بحر الصيف؟؟
ماهو دا الفرق

العريش ؟ روحتها بس محبتهاش
بس احلى اكيد من فيصل

هو مين اللى هيروح يصتاد؟

الكلمة نور Saturday, June 27, 2009 3:48:00 PM  

سارة
كل القاهرين مناخيرهم كبيرة ومبيشموش
للاسف

الشتاء امر لايعوض وبدونه الحياة تصبح مكانا لا يطاق

اصدق
ولكنى افتقد الرائحة الشتوية للبحر

sara rabie Saturday, June 27, 2009 3:51:00 PM  

لاء انا قاهرية ومناخيرى صغيرة
و بشم

:) الدنيا لسه بخير يا محمد

الكلمة نور Saturday, June 27, 2009 4:46:00 PM  

طفرة جينية تثبت ان مندل كان عبقرى حينما اكتشف قانون الوراثة بطفراته وان البيئة غالبا ما تمنح ساكنيها بعض صفاتهم

هنيالك مناخيرك الصغير وحاسة الشم وجايز السنه الجاية تمنح نوبل لصانع عطور
:))

مين محمد ؟ انا بصيت ورايا لما قريتها
:D

sara rabie Saturday, June 27, 2009 5:39:00 PM  

ههههههههه

موافقة

ده قر مشروع

..
مش محمد
:$:$:
يا دى الاحراج

يبقى انت مين


...
فيه حاجة كمان
لو انت اسكندرانى

يبقى البيئة بتمنح الاسكندرانية بعض الغرور والتميز

وده حقهم والهى
:)

الكلمة نور Saturday, June 27, 2009 5:46:00 PM  

انا مش اسكندرانى ولا محمد للاسف
بس مغرور من غير مبرر منطقى

هو بينى وبينك قر لانى عندى مناخير
وارثه من احد اجدادى السودانين
تبدو مثل الطائره الفانتوم من بعيد
ناهيك عن انها لا تجيد الشم حاليا
يللا تتربى فى عزى لان لغاية دلوقتى هيا الحاجة الوحيدة اللى لسه بتكبر فيا
لدرجة ان امى كل ما تبص فى وشى تقولى انا مكنتش مخلفاك كدا
انت بدلوك فى مصر
:D

sara rabie Saturday, June 27, 2009 5:53:00 PM  

ههههههههه حلوة بدلوك فى مصر
:D

المهم ان التنفس مجاله وااااااسع
والدنيا بخير برده

...

اسمك ايه

انا مش بحب اتعامل مع اسكم البلوج
كان يكتبلى احدهم

الاخت نبضة
:)
واقولك
يا الكلمة نور

الكلمة نور Saturday, June 27, 2009 6:04:00 PM  

اه انا كمان مش باحب الاسماء المستعارة دى

بس مضطر لكدا ودا من ضمن ال 15000 حاجة اللى الكلام عنهم مؤجل اختارى اسم وانا هاقول امين
واسف مرة تانية

sara rabie Saturday, June 27, 2009 8:04:00 PM  

لاء علي ايه الاسف،ده حقك عليا انا

المهندس Sunday, June 28, 2009 3:47:00 AM  

بالراحة علينا يا عمنا
امبارح تقول " دوما واجهتني مشكلة انى شديد النسيان مع كل النساء اللائى عرفتهن كن يتذكرن حتى الانفاس ... " , والنهاردة ... "كنت اود احكي عن نسائي " .... يا عمنا بالراحة علي زوار المدونة
علي فكرة ده مش حسد ... ده " قر " بس ... وابقي افتكر اوعي تغلط وتقول لخطيبتك " مستقبلا " انه المدونة دي مدونتك .... ساعتها مش هتفتكر غير السطرين دول .... كما اقول دائما .... " ارجو الابتعاد عن التدوين .... التدوين به سم قاتل "... خصوصا للمرتبطين ...ههههههه
انا بقي عكسك ... لاني اكره الخريف ... لانه يذكرني بموسم المدارس وخصوصا رائحة " الجوافة " فهي ورائحة ... " الحقيبة " الجديدة .... كانت تمثل لي نزيرا ببدء موسم الدراسة ... ولا تتعجب فانا كنت متفوق في المدرسة ... ولكنب مازلت امقت فصل الخريف حتي الان ... واحس بالرثاء للاطفال ...كلما رأيت الشمس تصفر ... والعصافير تزقزق بداية من الساعة " الرابعة عصرا " بعد ان كانت " تسهر " حتي الفجر في الصيف
عموما الحمد لله علي تنوع الفصول ... فالشتاء الوقور الذي يذكرك بكبار السن ... لايمكن احتماله .... سوي بفصل " شقي " مثل فصل الصيف
والسلام عليكم

الكلمة نور Sunday, June 28, 2009 9:52:00 AM  

بالعكس تحب النساء قصص النساء والقصص التعيسة لذلك سوف تحب امراءتى قصصى دا اذا قولتلها اصلا انى بادون

انا بقى مكنتش طالب شاطر ومبيدأتش احب المدرسة الا فى الثانوى عشان بدأت ازوغ واروح القهاوى والعب بلياردو بس كنت عارف ان لما الدراسة وجع الدماغ هيخلص هاحب الشتا

حلو اوى منك الحتتين دول
"
كلما رأيت الشمس تصفر ... والعصافير تزقزق بداية من الساعة الرابعة عصرا بعد ان كانت تسهر حتي الفجر في الصيف
"
شكرا كثيرا كبيرا ليك فقد انعشت ذاكرتى
وعليكم السلام

أليس في بلاد العجائب Sunday, June 28, 2009 11:49:00 AM  

يا حرام تلاقيك محروم من اكلة سمك طازة

تعرف انت ان النيل له رائحة ؟؟

ومش بس السواحلية اللي بيعرفوا يشموا هوا

انزل بليل اقف علي كوبري عباس بما انه الاقرب لفيصل و استمتع بنسيم الصيف حتي لو الجو وحش هتلاقي هناك نسمة حلوة بردة
ولا كوبري الجامعة و لا 6 اكتوبر او 15 مايو ولا المنيب اوعلي الكورنيش عند مصر القديمة او العجوزة والجبلاية او عند شبرا والساحل

النيل طويل الحمد لله ونعمة من ربنا و تقدر تلاقيلك مكان في حتة حلوة من غير تكاليف


ربنا مش حارمنا بردة الحمد لله
بلاش بطر :)

الكلمة نور Sunday, June 28, 2009 1:18:00 PM  

اتمنى ان لا تكون بطر دى الترجمة الانجليزية للزبدة
فانا افتقد الاكل المتكلف بالبطر كما افتقد سمك البحر
وليس يغنينى نيلكم عن بحرى
ولست احب كباريكم الا فى الشتاء حين تخلو من بائعى الورد اللزجين
والمصطفين ازواجا على الجانبين
وان كنت افضل الزمالك فى المكان الذى يقابل ابراج موبينيل
ومن الكبارى كوبرى قصر النيل لانه طريقى ذهابا وايابا
واهى نعمة احمدوا ربنا عليها ولا كل هيبقى ضرب من غير شتيمة

ايه الكلام الغريب اللى باكتبه ده؟
ويوما بعد يوم اشعر ان الفصحى تتسلط على فاصبح مثل عبدالمنعم ابراهيم فى السفيرة عزيزة والسكينة على رقبته وبيقول الغوث الغوث

أليس في بلاد العجائب Sunday, June 28, 2009 2:07:00 PM  

كويس كويس

يبقي لسه في امل

بس موبينيل في العجوزة ولا انت بتبصلها من قدام النادي الاهلي ولا ايه ؟؟

ليك حق في حكاية المصطفين .. بس انا قلت انت راجل يعني هتعرف تدوس فيها من غير احراج زينا

فسحة الغلابة علشان يشموا هوا .. البشوات اللي ردموا النيل مراكب و مرسات بيسحبوها منهم واحدة واحدة

عارف الحتة التحفة بجد اللي هتشوف فيها احلي منظر

لو دخلت عند مقياس النيل - هادية و المنظر فيها حلو اوي
بس بما انك شكلك مش طايق النيل واهله


الزم الصمت انا بدل ما تلم علينا الناس بالغوث بتاعتك دي:)

وبطر دي من التبطر مش البتر الزبدة
واسم الفاعل فيها بطران :)

الكلمة نور Sunday, June 28, 2009 2:21:00 PM  

عفوا اقصد البرجين التوينز نايل بلازا بتوع اوارسكوم عرفتيهم؟

لا ادوس مين انا باكره التلزيق
ييععععع

اه عارفه البطر البلدى

بيقولك البطران اخرته قطران
دا مثل للاستدلال

Tadwina Sunday, June 28, 2009 2:35:00 PM  

مرحباً
شكراً لإهتمامكم و وقتكم لإرسال البيانات الخاصة بمدونتكم.



قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/1045


يمكنك متابعة باقى مدونات تدوينة دوت كوم على الرابط التالى:
http://www.tadwina.com
لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.

و لكم جزيل الشكر،
فريق عمل تدوينة دوت كوم.
http://www.tadwina.com

Tadwina Sunday, June 28, 2009 2:37:00 PM  

لوضع اللوجو الخاص بتدوينة على الصفحة الرئيسية لمدونتكم الرجاء ارسال Emailلنا
حتى نتمكن من ارسال الخطوات لاضافتنا حتى يتمكن قرائنا من البلاد العربية ومصر من الاطلاع على مدونتكم بشكل دائم

أليس في بلاد العجائب Sunday, June 28, 2009 2:50:00 PM  

كويسة استدلال دي

الفور سيزونز ؟ اللي من ناحية البحر الصغير؟ ولا الفورسيزونز اللي فيه الفرست مول اللي قدام حديقة الحيوانات فيما مضي؟

لو الاول ففرع النيل قدامه الفرع الصغير اللي قدام جراند حياة بس دا دوشة اوي من العربيات ولو تقصد التاني يبقي بتشوف النيل منين في وسط كمية المراكب العايمة والمطاعم اللي محتلة الكورنيش الا لو طلعت علي كوبري الجامعة

ولو تقصد حتة تالتة خالص افيدنا افادكم الله

الكلمة نور Sunday, June 28, 2009 3:00:00 PM  

انا باقول لحضرتك نايل بلازا اوراسكوم البرجين التوينز اللى قبل كونراد والكورنيش على يمينك
او بعد كونراد والكورنيش على شمالك

انتى ايه اللى وداكى عند الفورسيزونز؟
اياك اطفحه بالسم

أليس في بلاد العجائب Sunday, June 28, 2009 3:26:00 PM  

الله مهما دول كمان من النايل بلازا واانا ايش عرفني انا

في الاول كنت هقولك اركيديا و بعدين للحق يعني معرفش انهم تبع نايل بلازا .. لحد دلوقتي مروحتش الناحية دي من القاهرة الا كام مرة يتعدوا علي الاصابع منهم مرة فرح اخويا في كونراد و الباقي عزا - الله يحفظك

وبعدين مهي بردة زحمة علشان المول و شبرا عموما

ما علينا

من تدخل فيما لا يعنيه بقي شكله عامل زيي دلوقتي كده

معلش

الكلمة نور Sunday, June 28, 2009 3:39:00 PM  

لا عادى انا بابقى بابقى قصادهم بس من الزمالك لا شبرا ولا حاجة اعزك الله

أليس في بلاد العجائب Sunday, June 28, 2009 3:45:00 PM  

في الجزيرة يعني

في خير ما قعدت

الكلمة نور Sunday, June 28, 2009 3:51:00 PM  

امين

المهندس Sunday, June 28, 2009 3:52:00 PM  

اولا : احيي الاخ " الكلمة نور " علي مدونته " الظريفة " فعلا ...حيث انني اكون علي طبيعتي " الساخرة بعض الشئ " فقط علي مدونته .
ثانيا : بسسسسسسسسسسس انتوا الاتنين ... انتوا ايه الحكاية ... شغالين تبع هيئة تنشيط السياحة ...دا انتوا تعبتونا من كتر المشي وراكم ... من الفورسيزن ... الي ابراج "مركز التجارة العالمي " ...الي كوبري الجامعة ...وكوبري 6 اكتوبر ....اخخخخخخخخ رجليا وجعتني .... مفيش حد يجيب " كوز " درة ... وحاجة ساقعة
ثالثا : اجمل الاماكن " 5 جد بقي " ... هو المكان الذي ترعرع فيه الانسان ... انا من الصعيد ... واجمل مكان عندي هو بلدي .... احب القاهرة للفسحة ... وواعشق الاسكندرية لبعض الوقت " علي اساس اني غني بقي وباصيف باستمرار " لكن بلدتي هي اجمل مكان للاستقرار
رابعا : انصحكم تروحوا تقدموا ... للتلفزيون عشان كان في برنامج اسمه " خمسة سياحة " كانت تقدمه " جانيت فرج " - كان برنامج رائع مازلت اتذكر التتر بتاعه - عشان يمكن يرجعوا البرنامج ليكم ويخلوكم تقدموه بس هيسموه " خمسة سياحة علي كورنيش النيل
خامسا : ارجو منك ومن الاخت " اليسس " ان تتقبلوا دعابتي .... وعذرا لو كنت قد اغضبتكم
وشكرا

الكلمة نور Sunday, June 28, 2009 3:59:00 PM  

لا يا راجل غضب مين بس وابو الغضب ايه
انت تشرف على اساس انى قاعد على الدكة قدام الباب يعنى
والله يسعدنى انى مستفز لسخريتك دا شئ كويس او على الاقل مش بطال ليا

دا موسيقة خمسة سياحة دى كانت سخيفة جدا
والله انت تمام يا هندسة بتجيب التايهة:))
بس اهو الكلام بيجيب بعضه

أليس في بلاد العجائب Sunday, June 28, 2009 4:06:00 PM  

قالوا زمان من قل عقله تعبت رجليه

كان مالي انا اتحشر ليه طيب من الاول :)


الا يا باشمهندس قاهرة ايه اللي بتتفسح فيها دي ..القاهرة دي بالنسبالنا ساقية بنلف و ندور فيها كل يوم من طلعة الشمس لنص الليل و ياريته يعجب

احترم جدا حبك لبلدتك
وحبه لبلدته
وحبي لنيلي غصبن عن الزحمة

أليس في بلاد العجائب Sunday, June 28, 2009 4:44:00 PM  

هاخد الباب في ايدي وامشي اهو

بس معرفش ايه هفني اقرأ اول تعليق ليا هنا

ولقيت نفس الحال من تعليق و رد و هكذا بس لقيتني ختمتها بكلمة استغربتها وكأني بشوفها اول مرة

لما سألتك ليه كاتب الكلمة نور وبعض الكلمات قبور و حكيتلي جزء من المسرحية



اللهم ارزقنا خير الكلام والا ..فارزقنا الصمت عنه ولا تؤاخذنا--


المفروض اعتذر اني كتبت كتير كده بس بصراحة انا مكنتش متضايقة بس لو انت اتضايقت فعذرا للمرة ال .. مبقتش عارفة الكام من كتر الكلام :(

الكلمة نور Sunday, June 28, 2009 5:01:00 PM  

هوا انا عايز اسأل هو ليه فى ناس بتعتذر من غير ما تغلط وناس بتغلط ومبتعتذرش؟
ادب عالى؟
ولا لأننا ساعات بنحس ان كلامنا مالوش معنى بس بنتكلم عشان عايزين نتكلم؟
ولا عشان حد قالنا واحنا صغيرين ان الكلام الكتير غلط فافتكرنا ان الحوار غلط وبقينا يا نعمل الحاجة من غير ما نشرح لحد حتى اللى يستحقوا الشرح عملناها ليه؟
يا اما نتكلم ومنعملش؟

والسؤال
-اجبارى وليس فيه اختيار-
هل فى الحوار والدردشة ما يستحق الاعتذار؟

أليس في بلاد العجائب Sunday, June 28, 2009 5:17:00 PM  

كونه له معني او لا دا يعتمد علي المستقبل للكلام

علي الاقل الللي بيقول عارف هو بيقول ايه لمين ولو عايز يتكلم وخلاص كان ليها تصريفة تانية غير انه يدوش حد تاني ملوش ذنب

وردا علي سؤالك
انت اللي قلت كده ولو ضمنيا
او دا اللي اتفهم من كلامك والله اعلم


اخاف يخرج من كونه ديالوج بين اكتر من شخص ليصبح مونولوج و دي تبقي كارثة علي الاقل لي لاني مقدرش استحمل اني اكون وصلت لكده وانا مش عارفة

اظن وضحت سبب طلب المعذرة

الكلمة نور Sunday, June 28, 2009 5:27:00 PM  

اذا اذهبى وانتى معذورة
ولا يهمك
المهندس اعتذر قبلك

زينـه Saturday, July 11, 2009 1:22:00 AM  

أشاركك عشق الشتاء والاكتفاء بمشاهده العالم وهو يغتسل تحت المطر

الكلمة نور Saturday, July 11, 2009 2:30:00 PM  

فى القاهرة نادرا ما يستحم العالم
:)

Popular Posts

عالماشى

لا ترهبوا طرق الهداية أن خلت من عابريها
ولا تأمنوا طرق الفساد و إن تزاحم سالكوها ..
عبد الرحمن الشرقاوى

زوار

Followers

Total Pageviews