كيف تقتل جارك لتدخل الجنة؟

حين نوقع عقد شركة فإننا نوقع على اقتسام مكاسبنا وخسائرنا مع شركائنا وبأننا سنعمل بأقصى ما نستطيع لنحافظ على الأخر كما نحافظ على انفسنا. والشركاء لا يكسبون منفردين
نوقع صكا اننا لم نعد منفردين او احرارا بالاطلاق هناك من نتحمل مسئوليته هناك من يجب ان نراعيه .وليس فى الامر ما يستحق شرحا اكثر من هذا ولكن احيانا هناك ما يستحق ضرب الامثلة
حينما وقعت عقد شقتى كنت اعرف انى بهذا العقد امتلك 150 متر محدده كشقة وبضعة مترات قليله فى اجمالى مساحة الارض على المشاع اذا ما انهدمت البناية "هذا ما تحدثت فيه وكتبناه ووقعنا عليه انا والمالك القديم" ولكن ما كنت اعرفه انى وقعت عقد امتلاك صريح وعقد شركة خفى بين السطور بينى وبين جيرانى
فسنمتلك السلم والمصعد سويا ومدخل البناية والمساحة الواقعة امامها سأحافظ على ابنائه وهم يلهون امام باب شقتى وسأحفظ زوجته فى غيابه .سأهنئه فى العيد وربما سنتبادل عزومات الافطار فى رمضان ربما ,سأترك زوجتى وأولادى فى البيت وأسافر احيانا وأنا مطمئن .
عقدا مثل هذا وقعناه عندما اصبحنا مواطنين وعقود الوطن تورث ولا نستطيع ان نلغى العقد حتى لو غضبنا من بلادنا احيانا ولا يستطيع احدا ان ينزعها حتى لو خناه .
هذا عقد نوقعه مع وطن نحمل اسمه ونمنحه قلوبنا يعتصرها بين قبضته القاسية ولا نبالى بل ونمنحه قلوب ابنائنا عن طيب خاطر فهذا معنى عقد حب موروث . عقد ملكية وشراكة ولا يخدعن احد منكم الكلام المكتوب فيظن ان الامر كبير او مقعر بل هذه هى حقيقة الامر والحقيقة الاكبر انه منذ 1998 وقت اندلاع احداث الكشح لأول مرة والوطن يتداعى والعقد بيننا وبينه يكاد يكون لاغيا وبدل من ان نحبه اصبحنا ندمنه كمرض وبدل ان نمنحه قلوبنا ليعتصرها منحناه سكينا يقبض عليها اعطيناه قطعة جمر تحرقه
وتكررت احداث الكشح بعده بعام فى ديسمبر 1999 لخلاف بين تاجر مسيحى وزبون مسلم لأننا فى الاحداث السابقة لم تهدا الامور بل تم دفنها وهى متقدة فى الرماد فلما هبت اول ريح احيت نارا كان يظن موتها وكانت نارا لاهبة وظلت وتيرة الاحداث ترتفع الى مرتين فى العام
حتى جاء قصة وفاء قسطنطين المسيحية زوجة الكاهن التى اشهرت اسلامها فثار الاقباط فسلمتهم الحكومة اياها
هكذا بلا اى نقاش ولو صغير بين الدولة والكنسية وبدا الامر كما لو ان امرا صدر من الكنيسة فنفذته الدولة وتشتعل نارا جديده تضاف لنار فتنة لم تهدأ اصلا ولكن الاقباط يظنون ان الشوط الذى مر شوطهم
لترتفع وتيرة الاحداث ثانية وتزيد اعداد الحوادث لان الدولة انسحبت راضية عن جزء من سلطتها مفسحة للكنيسة لفرض نفوذها
على رعيتها الذين يتكرزون فى الصعيد وبالمناسبة الصعيد هو الذى شهد اكثر المشاكل واشهرها لتبدأ بعد ذلك المشاكل لتعم الدولة كلها من الاسكندرية حيث مسرحية الكنيسة الى المحلة الى المنصورة لنعود للاسكندرية على يد مختل ثم ننزل جنوبا الى الصعيد حيث لا يمر شهر الا وتقوم مشكله
ونحن الان فى عام يوليو 2009 ومرت الى الان ثلاث حوادث كبيرة واحد فى الدلتا (كفر البربرى)الى اثنين فى الصعيد بسبب الصلاة الجماعية فى البيوت والمسلمين الصعايدة يرفضون انشاء كنائس فى التجمعات السكنية.وستزيد هذه الاحداث حتى نهاية العام وان كنت لا اتمنى هذا.
وتصبح الحقيقة اننا ندعى اننا نحب بلادنا ونحن كاذبون لأقصى درجة نقتل جارا بلا مبرر وندعى أننا سندخل نصارى ومسلمين الجنة هذا ينطبق علينا جميعا, نقول ان الدين لله والوطن للجميع ونحن نؤمن انه لا دين ولا وطن إلا لنا بشخوصنا الفردية الضيقة ونأخذ من الدين ما ينفعنا شخصيا لا ما يهم المجتمع
اصبحنا نفعيون نعلن حروبا باسم الله لنحصل على مجد شخصى او لنعبر عن غباء نعتبره خطأ هو صحيح الدين ونقتل فيها انفسنا مسلمين ونصارى
صرنا جيرانا فى بيت واحد نقتسم السلم والمصعد والمدخل ونتربص ببعض خلف الابواب بانتظار اول خطا لا لنتعاتب ولكن لنقتل بلا ادنى شفقة فنضمن الجنة من أسرع طريق.لست اعرف حلولا لأمور كهذه الأمور ولكن كل ما أعرفه انها ستطالنى يوما لو لم انكرها من قلبى واحفظ جارى.
ملحوظة :اعلم انه قبل احداث الكشح كانت هناك احداث مماثلة كثيرة ولكن بهذه الوتيرة وهذا التسارع وهذا العنف لا اظن وما اظنه اننا نقود سيارة تسقط من فوق جبل ونحن مغمضى العيون فلا يصيبنا الا نشوة السرعة وبعض قليل نتحطم.

13 comments:

أليس في بلاد العجائب Tuesday, July 21, 2009 11:05:00 AM  

معاك في موضوع العقد دا

بس انا بشوف ان الدولة اللي سمحت بكده .. همشت الدين فخلت في ناس عقولها فاضية .. بتطلب الجنة .. فاستغلتها ناس تانية لاغراض تانية

الصغير بيتربي علي انه مسيحي بيروح الكنيسة يومين الاحد و الجمعة و جاره المسلم دا كافر بدينه و المسلم بيتربي علي انه بيصلي الجمعه في المسجد و النصاري واليهود علي غير ملة الاسلام و دائما الدعوة لمحاربتهم و ادخالهم في الاسلام بالعافية

لا دي تعاليم المسيح عليه السلام و دا دينا الحنيف !!

الكل ماشي و شايل سكينة ورا ضهره بيغرسها ضهر اللي جنبه .. ومش بيفرق دا مسلم ولا مسيحي

ومعلش المسيحين واخدين حقهم في البلد تالت و متلت و اللي بيقول غير كده يبقي بيضحك علي روحه

انا مش بحقد عليهم ..

انا بقول الحقيقة ..
وراهم كنيسة بترعي مصالحهم ..
مشفتش حد من النصاري جائع ولا عريان و لا فقير حتي ..
والعيب عليا وعليك وعلي البلد اللي لامانا ..
العيب علي اللي مش بيدفع زكاة ربنا يستر بيها العريان ..
حتي اسمهم شعب الكنيسة مش مصريين و ليهم حقوق مواطنة زي ما بتقول .. ولائهم الاول للكنيسة .
والمسلمين المتعصبين-عن غير حق- ضالين و معملوهم غسيل مخ .. الجنة عمرها ما تتدخل بالدم الا دم اهدر في سبيل الله وعن حق .. محاربة اعداء الله ليها قواعد و حماية المواطن مسلم ومسيحي و يهودي و ملحد .. حق المواطن علي دولته .. بس عليها كمان تديله حقه بالتساوي زي غيره

لي زميلة مسيحية .. راحت مع جارتها المسلمة القسم في حادثة .. و عادي جدا هددت الظابط انه يخلص الموضوع بدل ما تصعده ..
و خلصه علشان خاف لما عرف انها مسيحية

انا العادي بتريق معاها في مواضيع كتيرة تخص الشغل بقولها .. لو حد زعلك
ابقي روحي عيطي لاي حد كبير و بلغي عنه قوليله دا عايز يعمل فتنة طائفية

بقت فعلا مهزلة و الابواق فيها عاليه علي باطل مش علي حق

حتي في اول انفلونزا الخنازير ما طلعت .. طلع كلام انهم يقفلوا المساجد علشان العدوي .. طيب حد قال نقفل كنيسة ؟ حد بيفكر يقول بلاش صوت اجراس الكنائس بدل مهما اجبروا المؤذنين انهم ميرفعوش الاذان بصوت عالي؟؟

انا لحد قريب كنت بسمع الاذان في بيتنا من المسجد اللي علي اول الشارع .. دلوقتي حتي اذان الفجر اللي الدنيا كلها ساكته فيه .. بسمعه بالعافيه .. دا ان سمعته ..

ما طول عمرنا بنسمع صوت الاذان عالي و بنسمع صوت جرس الكنيسة!!

جد ايه؟؟

الاعلام كمان عايز جنازة و يشبع فيها لطم .. لو مكانش بيصور كل خناقة تحصل علي انها فتنة !!
يصور الحقيقة زي ما هي .. مش مسلم قتل مسيحي .. لا واحد قتل جاره .. هو اللي بيقتل بيقول الشهادة ولا بيسمي باسم الله قبل ما يقتل؟ ولا المسيحي بيصلب علي الضحية الاول؟؟

كلنا عايشين في بيوت فيها مسيحين ومسلمين و الدنيا ماشية زي ما هي ماشية .. بس اللي هيقول في تجمعات بين مسلمين .. بردة في تجمعات و بصور اكثر وضوح بين المسيحيين و دايما بيقفلوا علي نفسهم في كل الاماكن .. الا قلة قليلة .. دي كمان حقيقة

الكلام كتير في الموضوع دا

بس في الاخر هقولك العيب عندنا .. صوتنا عالي ساعات كتيرة علي الفاضي في حين غيرنا بيفكر وينفذ في هدووووء تام و ضهره محمي برة و جوه!!

والله لسه وانا راجعة امبارح في الصحراوي افتكرت ان طول الطريق كان في لافتات مكتوب عليها اذكر الله و ادعيه للمسافر و كلمات طيبة .. اتشالت .. الصوت الحكومي كله بيدعو لفكرة انك عايز تعبد ربنا اعبده في بيتكو!!

الله يرحمنا من نفسنا و من غيرنا

الكلمة نور Wednesday, July 22, 2009 12:37:00 AM  

حلو اوى الكلاام اللى قولتيه ده بجد بجد واضح ومركز
جدا
دا انتى شايلة كتير
كمان موضوع اعبد ربنا فى بيتكو دا جامد جدا جدا جدا
ضحكتينى غصب عنى

أليس في بلاد العجائب Wednesday, July 22, 2009 11:41:00 AM  

الفكرة كلها اني قلت الحقيقة اللي حاصلة علي الاقل قدام عنيا

انا عيشت في بيت واحدة زميلة عمري كانت نصرانية و كنت بقضي الصيف كل يوم من فجر ربنا لحد بليل عندهم او هي عندي والشتا في المدرسة نفس الشيء .. يعني اعلم حاجات كتيرة عن البيوت واللي جواها او يمكن اللي محدش قدر يخبيه

الحقيقة ان في كتير مستخبي

علي الرغم من ان فيلم حسن و مرقص منزليش من زور بس فيه جملة بيقولوها اتنين مشايخ واتنين قسيسين وهما داخلين ندوة عن الوحدة الوطنية .. بجد الحاجة الوحيدة الصادقة في الفيلم وفي الكلام دا كله
الاتنين جواهم كتير لبعض مهما ادعوا غير كده في الحقيقة

انا مش شايلة حقد او حاجة وحشة

بالعكس

بس بجد بحسدهم لانهم عارفين يمسكوا ايدين بعض و يتوحدوا حتي ولو علي باطل .. ولا عزاء للجسد الواحد الذي اذا اشتكي منه عضوا تداعي له سائر الاعضاء بالسهر والحمي :(

ربنا يسعدك

حكاية اعبد ربنا في بيتك دي حقيقة والله .. بل بالعكس انا اعرف اللي بيقول اعبد ربنا في قلبك وبس حتي متذكرهوش علي لسانك .. ومسلمين المفروض


كان نفسي يبقي العنوان " كيف تدخل جارك الجنة؟ ولا حتي ازاي تصبح عليه من غير غرض في نفسك :( "

الحمد لله علي نعمة الاسلام وكفي بها نعمة
ميعرفش قيمتها الا اللي حس انها مش عند غيره وان فايته شيء عظيم

--
دوشتك معلش :)

الكلمة نور Wednesday, July 22, 2009 2:53:00 PM  

ادخل جارى الجنة؟
ا\جيمى؟
نهار ملون
دا مراته كل ماتشوفنى تبصلى من فوق لتحت كأنى قتلت ابوها
وكل ما يضحك فى وشى بادور على المسدس على رأى جوبلز
أعزك الله
البلد معادش فيها حد متربى غيرى طبعا :))
احنا بلد نمنا وصحينا فجأة بقينا مش محترمين

أليس في بلاد العجائب Wednesday, July 22, 2009 3:51:00 PM  

هو المحروس اسمه جيمي ؟

طيب مهو يا دوب هو جيمي و مراته برعي :)

الله يعافينا

الأدب دا موضوع تاني خاالص .. قعدوا يقولوا فضلوه عن العلم لحد ما بقي لا في لا ادب ولا علم

وبمنتهي الفخر والفشخرة يقف ويحكي عن تفانينه في خداع الأخر !!

و ان كنا نمنا فاحنا لسه نايمين بس شكلنا مش متغطي كويس اكمننا بنشوف احلام وحشة اوووووووي و اكلنا قبل ما ننام اكله دسمة كلها كذب و نفاق فلازم يعني تكون دي النتيجة

تعرف بجد
اول مرة شفت فيها فيلم ارض النفاق كنت ابتديت اقرأ الرواية بس مكملتهاش بس لما شفت الفيلم كله انبسطت اوي من حتة الاخلاق دي

يا سلام لو الواحد يصحي الصبح يلاقي اهل بيته بابتسامة و جاره بادب وذوق و زميلة بنبل واخلاق ... هييييييييه دنيا

صدق من سماها دنيا من يومها
نفسي انا في حبوب الاخلاق دي

الكلمة نور Wednesday, July 22, 2009 4:02:00 PM  

لو صحيت لقيت اللى بتقولى عليه ده
هارجع انام تانى واتغطى المرة كويس
واقول انا اللى غلطان
نمت غلط وصحيت غلط برده

أليس في بلاد العجائب Wednesday, July 22, 2009 4:08:00 PM  

هو ايه دا

حد لاقي

طب والله دي تبقي جنة الله علي الارض

بس هتفضل حلم بردة متخافش


اصل الشر موجود غصبن عنا

وبني الأنس غلبوا الشياطين في المعاصي .. يا حرام كان سلاحه الوسوسة .. دلوقتي معاهم اسلحة حدث ولا حرج!!!

نوم العوافي

تحب تصحي امتي؟؟

انهي حرب في انهي زمن

الكلمة نور Wednesday, July 22, 2009 4:12:00 PM  

عندما تهجم جيوش صفط اللبن على مرتزقة العياط فى موقعة كرداسة الشهيرة على حدود جيزة المعز
الجزار
:)))))

أليس في بلاد العجائب Wednesday, July 22, 2009 4:16:00 PM  

جديدة جيزة المعز دي



الله يرحمه

خد العز وراح و سابلنا جيزة زحمة و دايما تحت الترميم والانشاء

الكلمة نور Wednesday, July 22, 2009 4:24:00 PM  

المعز دا جزار
غير المعز لدين الله بتاع روكسى -القاهرة-
بس كان ولد الله يسحله مطرح ما راح المهم
مصر ام الدنيا والجيزة زى الفل
وزنين تحقق اعلى عائد قومى متساوية مع النرويج
وتفوق اسبانيا فى عدد الكتب المترجمة مع ان اخر احصائية اثبتت ان جحوش امبابة تفوقت على تكاسى نيويورك فى اللون الاصفر
وصباح الخير يا سينا
ريسيتى فى مراسينا

أليس في بلاد العجائب Wednesday, July 22, 2009 5:24:00 PM  

اتغطي بس كويس عن كده

زمان كانت القاهرة تبقي فاضية و عال و تيجي يادوب تعدي كوبري عباس و تتخنق من هناك لحد الاهرامات

دا زمان

انما دلوقتي متلحقش تتخنق

هتكون رحت القسم ,, او القرافة لا قدر الله دايركت :)

ستريت تو تووم ديليفري :-\

الكلمة نور Wednesday, July 22, 2009 10:09:00 PM  

توووم ديليفرى؟
دا غير توم وجيرى

أليس في بلاد العجائب Thursday, July 23, 2009 12:38:00 PM  

متخافش المصير واحد :)

Popular Posts

عالماشى

لا ترهبوا طرق الهداية أن خلت من عابريها
ولا تأمنوا طرق الفساد و إن تزاحم سالكوها ..
عبد الرحمن الشرقاوى

زوار

Followers

Total Pageviews